Undeniable Feelings

Let's Stop, To Begin

Prologue:

"Sino 'yung kasama mong lalaki?" inis na tanong ko sa kanya.

Ang mga ngipin ko ay kanina pa nagkikiskisan sa galit. Paano n'ya nagagawang magtiwala sa ibang lalaki gayong kakakilala pa lamang n'ya 'non!

"Boyfriend ko, at saka pakielam mo ba?" galit na tanong n'ya.

Tila kumirot ang puso ko sa sinabi n'ya, oo nga naman? Pakielam ko nga ba?

"I am your number one enemy, kaya may pakielam ako," palusot ko. "Ang pangit ng boyfriend mo, lamang ako ng milyong paligo sa kanya."

Pang aasar ko sa kanya kahit na todo todo na ang sakit ng puso ko. Kahit na parang pinapatay na ako sa selos.

"Pwede bang tigilan mo na ako, Uno? Naiinis na ako sa'yo! Pagod na pagod na ako sa mga pang aasar mo! Ayoko na!" galit na sigaw n'ya sa akin.

Bigla akong nanghina, ang galit na mga mata n'ya ay dating pinagkakatuwaan ko lamang dahil alam kong naaasar lamang s'ya. Ngunit iba na ang galit na tingin n'ya ngayon, hindi na katulad noong highschool pa lamang kami.

"Then let's stop," I said.

Tinitigan ko s'ya sa mga mata. Tinatansya ko ang tingin n'ya, na kahit kaunti ay makakita ako sa mga mata n'ya ng pag asa.

"Let's stop this fucking fight, to begin with our new relationship."

Kumunot ang noo n'ya sa sinabi ko. Hindi siguro makapaniwala, hindi n'ya maintindihan ang sinasabi ko.

"W-what?"

Naguguluhang tanong n'ya.

"Liligawan kita,"

Mas lalong nagalit ang mga mata n'ya. Ngayon ay mas galit kumpara kanina, pero ngayon ay lumuwag na ang pakiramdam ko. Hindi na ako nag aalala. Alam ko na kasing panalo na naman ako sa usapang ito.

"Huwag mo nga akong utuin, Uno! Ayoko sa babaero!"

Nagkibit balikat ako at humakbang palapit sa kanya. Inaasahan kong hindi s'ya aatras dahil kilala ko si Jamila bilang palaban na babae. Ngunit ang inaasahan ko ay hindi nangyari, umatras s'ya, kitang kita ko ang pagnginig ng kanyang mga labi.

"I'll stop seeing other girls. Just let me court you, let me prove myself that I deserve you."

With that, her eyes soften and I know that she's already giving up.

***

Started: August 16, 2017
Finished: