Undeniable Feelings

Chapter Seventeen.

Chapter Seventeen.

I love him.

Iyon lang ang paulit ulit na nagrereplay sa utak ko. Ayaw ko pa sanang tanggapin. Gusto ko sanang isipin na puppy love lang ito. Pero bakit ganito kasakit?

Bumuntong hininga ako at ibinagsak ang katawan ko sa kama. Hawak ko ang cellphone ko ay nag-online ako sa facebook. Matagal na akong hindi nagbubukas nito. Bukod kasi sa hindi ko hilig ay naiinis ako sa mga lalaking nag-chachat sa akin.

Pagkabukas ko ay bumungad sa akin ang maraming notifications, sampu na rin ang messages ko at mga friend requests.

Una kong binuksan iyong notifications. Ini-scroll down ko lang ang iba dahil puro lang naman likes at invites. Nang makita ko na ang lahat at wala namang kwenta ay tumungo ako sa friend requests.

Napakurap kurap ako nang makita ang pangalan n'ya sa friend requests. Kinagat ko ang labi ko at naglakas loob na buksan ang profile n'ya.

Bumungad sa akin ang profile picture n'yang nakangiti, labas ang maputi n'yang ngipin. Mukhang matagal na ito dahil iba pa ang gupit ng buhok n'ya. Sa likod n'ya ay mga puno. Baka sa probinsya pa nila ito.

Ini-scroll ko pababa para makita ang mga posts n'ya. Nangunot ang noo ko nang may isa s'yang post doon. Last month pa iyon pero buong gabi talaga akong binagabag.

'Whenever I look at you, I can't stop falling inlove.'

Sino kaya ang tinutukoy n'ya sa post n'yang iyon? Imposible namang ako... Baka tuluyan na s'yang na-inlove sa isa sa mga babaeng naka-fling n'ya.

Ang sakit.

Sobrang sakit.

Kung bakit ba naman kasi sa kanya pa, pwede namang kay Yael.

Kinabukasan ay maaga ako bumangon. Alas singko pa lamang iyon, idlip lang yata ang ginawa ko, eh.

Naligo na agad ako at nagbihis bago ako lumabas ng kwarto at bumaba ng hagdan. Akala ko ay maaga na ako pero naabutan ko doon si mama na busy sa pagbabasa ng dyaryo.

"Ang aga mo yatang gumising ma?"

Nag angat s'ya ng tingin sa akin at saka ngumiti.

"Ah, maaga kasing gumising ang papa mo para magtrabaho."

Naguguluhang nangunot ang noo ko. Magtrabaho?

"Anong ibig mong sabihin ma? Kailan kayo babalik ni papa sa America?"

Nag-isang linya ang labi ni mama at tinapik ang sofa, sinisenyasan n'ya akong maupo sa tabi n'ya. Sumunod naman ako sa kanya at naupo ako sa tabi n'ya. Ibinaba n'ya ang dyaryong hawak n'ya sa lamesa.

"Anak, hindi ka na makausap ng kuya mo kasi nahihiya s'ya sa'yo."

Clueless pa rin ako. Bakit naman s'ya mahihiya? Mukhang nahalata naman ni mama na hindi ko s'ya maintindihan.

"Anak, nakabuntis ang kuya mo. I don't know who's the girl but your kuya said he'll come home soon."

Hindi ako makapagsalita. Ewan ko ba, bigla akong nagtampo kay kuya. Baby kasi ang turing n'ya sa akin pagkatapos ganito? Magkaka-baby na s'ya tapos hindi manlang n'ya sinabi sa akin.

"Wala kang makakasama dito sa bahay kaya nag-decide kami ng papa mo na dumito na lamang. Dito na lang kami magtatrabaho. Babalik na ako sa pagtuturo, si papa mo ay magtatrabaho kay Juanito dahil lumalago na ang negosyo ng tito Juanito mo."

"Pero 'di ba ma, hindi pa nila tapos bayaran ang shop?"

Umiling si mama.

"Nabayaran na ni Juanito ang shop. And I think before this year ends, mas lalago pa ang negosyo n'yang wine. Dinadayo na rin ang mga luto n'ya."