The Hidden Goddess

Chapter 4

Lumipas ang ilang araw na ganun lang ang nangyari. Magigising ng maaga, papasok sa klase at masuswimming sa lawa. Buti nga at hindi parin kami nahuhuli.

Kasalukuyan akong nakikinig sa history teacher namin dahil kinukwento niya sa amin ang history ng Winterhold.

"Ayon sa history book natin ipinatayo ng mag asawang si Haring Mazon at Reyna Remicy ang Winterhold noong panahon ng mga Khiodis_" naputol ang pagkukwento niya nang magtanong ang isa sa mga kaklase namin.

"Professor diba isang Khiodis din si Reyna Remicy?" tanong ng kaklase namin.

"Yes you're right, alam naman nating nangunguna ang mga Khiodis diba pagdating sa lakas ng ability, so back to the story tayo gaya nga ng sinabi ko kanina ipinatayo nila ang Winterhold para maprotektahan ang mga tulad natin lalong lalo na ang mga Khiodis sa mga Darktross."

Darktross? Narinig ko yung binanggit ni tito Varlisle kay Daddy ah.

"Siguro ngayon niyo pa lang narinig ang Darktross, ngayon pa lang sinasabi ko na sainyo na ubod sila ng sama. Pumapangalawa sila sa mga Khiodis dahil sa kapangyarihan nilang black smoke, kung ginagamit ng mga Khiodis ang kapangyarihan nila sa kabutihan, kabaliktaran naman sa mga Darktross dahil masyado silang nabulag sa kapangyarihan at gustong agawin ang trono ng mga Khiodis para sila ang maghari sa buong Atlanta_"

"Professor I have a question, ilang kingdoms po ba ang meron dito sa Atlanta." tanong nung kaklase namin sa likod.

"Basically, there are seven kingdoms noong meron pa ang mga Khiodis pero ngayon six na lang dahil inubos sila ng mga Darktross. Nangunguna ang mga Khiodis dahil sa may kakayahan silang kontrolin ang winter at ice ability na kayang sirain ang dark smoke ng mga Darktross kaya pumapangalawa lamang ang mga ito, sunod ang Beaufort na may water ability then Ortiz na may Fire ability, Veer na may earth ability, Gother na may wind ability and lastly ang Delion na plant manipulator. Ang ibig sabihin lang nun ay may 5 tayong galing sa royal family dito, kilala niyo naman kung sino sila."

Dahil sa dami ng nalaman ko at marami paring katanungan sa isip ko, di ko napigilang magtanong. "But Professor, bakit po walang pumasok dito na galing sa Veer?"

"Good question Ms. Beaufort, well wala sila dito sa Winterhold dahil nasa Peculiar at Avalon Academy sila. Base sa nabalitaan ko mayroong triplets ang mga Veer, isang lalaki at dalawang babae." sagot niya sa tanong ko.

"Cool! Kung sa aming mga Delion ay twins, triplets naman sa mga Veer!" manghang sabi ni Mardy.

"Tama ka diyan Mr. Delion, well may tatlong Academy dito sa Atlanta. Ang Winterhold kung saan kayo kasalukuyang nag-aaral ay nandito sa Winter forest, ang Avalon Academy na school para lang sa mga babae ay nasa Avalon island na kung saan pinapalibutan ng makakapal na hamog, at ang huli ay ang Peculiar Academy na school para lang din sa mga lalaki ay nasa floating island ng Margu."

Marami pa sanang ikukwento ang professor namin sa amin kaso kulang sa oras kaya ididiscuss na lang niya next meeting.

Lumabas na kami ng classroom at dumiretso sa dining hall.

"Grabe sobrang cool pala ang history ng Winterhold." masayang sabi ni Mardy.

"Yeah right, pero nashock talaga ako kasi di man lang nakwento satin ng parents natin ang about sa mga Veer." pag sang-ayon ni Mandy sa kakambal niya.

"Yun nga rin ang pinagtataka ko eh, sila ang 5th Kingdom dito sa Atlanta pero wala man lang tayong alam tungkol sakanila bukod sa mga Khiodis at Darktross, Veer still remains a mystery to me." sagot naman ni Layne.

Tahimik lang akong nakikinig sa pinag uusapan nila nang maisipan kong umalis at pumuntang library. Nagpaalam na ako sa kanila na may ibabalik lang ako saglit na mga libro sa library at saka dumiretso na agad sa library.