පාරෙන් එහා කහ ඉර ලග හිටගෙන අසේලි දිහා බලන් හිටපු ආදිත්ය පාර පැන්නේ අසේලි ලග නවත්තපූ වෑන් එක දිහා බලාගෙනමයි.ආදිත්ය පාර මාරු වෙලා එනකොටම දැක්කේ සිහිය නැති වෙලා ඉන්න අසේලිව කඩිමුඩියේ වෑන් එකට දාගන්න මිනිස්සු දෙන්නෙක්.ආදිත්ය එතනට දිව්වත් ඒ මිනිස්සු ආදිත්යට වඩා ඉක්මන් වුනා.අසේලිව වාහනේට දාගත්ත ගමන් වෑන් එක එතනින් ඉගිල්ලුනේ හිතාගන්නවත් බැරි වේගේකින්.
එක පාරට මේ වෙච්ච දේ ආදිත්යට හිතාගන්න බැරි වුනා.පපුව මහ හයියෙන් ගැහෙද්දි ආදිත්ය වෑන් එක පස්සෙන් දුවන්න ගත්තා.ඒත් වෑන් එකේ වේගේට තමන්ට කිට්ටු කරන්න බැරි බව තේරුම් ගන්න ආදිත්යට වැඩි වෙලාවක් ගියේ නෑ.ඒ නිසා දුවන අතරෙම පාරේ යන ත්රී වීල් එකකට අත දාපු ආදිත්ය ඒකට ගොඩ වුනා.
"අයියේ අර පේන සුදු වෑන් එක පස්සේ යමු..ඉක්මනට" ආදිත්ය කිව්වේ හති දාන ගමන්.
"ඇයි මල්ලි මොකක්ද කේස් එක?" රියදුරා ඇහුවේ වාහනේ වේගේ වැඩි කරන ගමන්.
"මං දන්න ගෑනු ලමයෙක්ව දාගෙන යනවා අයියේ ඒකේ" ආදිත්ය කියද්දි රියදුරා හැරිලා ආදිත්ය දිහා බැලුවා.
"මල්ලිගේ ගෑනු ලමයද"
"ඔව්" ආදිත්ය උත්තර දුන්නේ වැඩිය හිතන්නේ නැතුව.ආදිත්යගේ මුළු අවදානෙම තිබ්බේ ඉස්සරහින් යන වෑන් එකට.
එහෙන් මෙහෙන් කීප සැරයක්ම වෑන් එක හැරෙව්වත් ත්රී වීල් රියදුරාගේ දක්ශකම නිසා වෑන් එක මග ඇරගන්නේ නැතුව තියාගන්න පුලුවන් වුනා.ඒත් එයාලට වෑන් එක මග ඇරුනේ දුම්රිය මාර්ගය ලගදි.ත්රී වීල් එක දුම්රිය ගේට්ටුව ලග නතර වෙද්දි අසේලිව දාගත්ත වෑන් එක ඈතින් නොපෙනී ගියා.
"ශිට්..." ආදිත්ය කේන්තියෙන් අත්මිට මොළවගත්තේ හිතේ නොසන්සුන්කම වැඩි වෙද්දි
YOU ARE READING
මන්දාරම් අහස යට (Completed)
Teen Fictionඅතීතයත් වර්තමානයත් අතර සිරවූ තරුණයෙක්.. සැබෑවත් සිහිනයත් මැද අතරමං වූ තරුණියක්... ආදරයත් ආකර්ශනයත් පටලවාගත් තරුණියක්... සිත් දෙකක් අතරට මැදිවූ අතීතයක්... මන්දාරම් අහස යට ගොඩනැගූ ප්රේමයක්...❤️ එන්න....අපි මන්දාරම් අහස යට ආදරේ විදිමු... ❤️