අසේලි උදේ විශ්ව විද්‍යාලයට එද්දි උදේ දේශනේ පටන් අරගෙනයි තිබුනේ.ඒ නිසා අසේලි පුස්තකාලය පැත්තට යන්න පිටත් වුනා.පුස්තකාලෙට යන අතරතුරේදි අසේලිට මතක් වුනේ ආදිත්‍ය එක්ක දුම්රියේදි වෙච්ච කතා බහ.
"ඇයි ඔයා නිතරම මං ඔයාගේ ගර්ල් ෆ්‍රෙන්ඩ් කියන්නේ" අසේලි ඇහුවේ දවස් ගානක් තිස්සේ හිතේ තිබ්බ ප්‍රශ්නයක්.
"ම්ම්ම්....අපි එහෙම කතා වුනානේ නේද?" ආදිත්‍ය කිව්වේ එයා ලගම හිටගෙන හිටපු අසේලි දිහා බලන ගමන්.
"කොයි වෙලාවෙද?" ඇස් පුංචි කරලා ආදිත්‍ය දිහා බලන ගමන් අසේලි ඇහුවේ පුදුමෙන්.
"ඇයි ඔයා කෝල් කරලා කිව්වේ වැඩේට කැමතියි කියලා"
"ඉතින් ඒ කිව්වේ පැයකටනේ"
" පැයකට කිව්වට තාම ඒ පැය ආවේ නෑනේ"
"ආවේ නෑ කියන්නේ? පැයයි නම් පැයයි.වැඩේ කෙරෙන්න කතා වුනේ එහෙමනේ" අසේලි ඒ සැරේ ටිකක් හයියෙන් කිව්වේ ආදිත්‍ය කියන දේ නොතේරෙන නිසා.
"ශ්ශ්.....හෙමින් හෙමින්...මිනිස්සු බලනවා" ආදිත්‍ය වටේ බලන ගමන් අසේලිට රහසින් කිව්වා.
"ඉතින්? මං වැරදි දෙයක් යැ කිව්වේ"
" වැරදි දෙයක්ද කිව්වේ? පැයකට වැඩේ කෙරෙන්න ඕනේ කියලා තව ටිකක් හයියෙන් කියන්නකෝ බලන්න" ආදිත්‍ය කියද්දි අසේලිගේ ඇස් ලොකු වුනා.
YOU ARE READING
මන්දාරම් අහස යට (Completed)
Teen Fictionඅතීතයත් වර්තමානයත් අතර සිරවූ තරුණයෙක්.. සැබෑවත් සිහිනයත් මැද අතරමං වූ තරුණියක්... ආදරයත් ආකර්ශනයත් පටලවාගත් තරුණියක්... සිත් දෙකක් අතරට මැදිවූ අතීතයක්... මන්දාරම් අහස යට ගොඩනැගූ ප්‍රේමයක්...❤️ එන්න....අපි මන්දාරම් අහස යට ආදරේ විදිමු... ❤️
