දේදුණු නුවර ඉදන් ආපහු කොළඹ ආවේ සති දෙකකට පස්සේ.ඒ ආපු ඉක්මනටම දේදුණු කාර්‍යබහුල වුනේ පහුගිය සති දෙකේ දේශන මග ඇරුණු ඒවා කරගන්න වුනු නිසා.ඒ බ්‍රහස්පතින්දා හවස හදිස්සියේ ම දේශනයක් අවලංගු කරපු නිසා දේදුණුට වෙනදට වඩා කලින් ගෙදර එන්න පුලුවන් වුනා.ගෙදර ආපු දේදුණු නාලා පහළට ගියේ එයාගේ නැන්දා සුනීතාට කියලා තේ එකක් හදවගන්න හිතාගෙන.
"නැන්දා.....මට තේ එකක්" දේදුණු කුස්සියේ පුටුවෙන් වාඩි වුනේම එහෙම කියාගෙන.
" ආ මේ නාලාත් එක්ක.කොණ්ඩේ හොදට පිහිදගන්න ලමයෝ.තෙතයි මේ තාම" වතුර රත් වෙන්න තියපු සුනීතා කිව්වේ දේදුණුගේ කොණ්ඩේ අල්ලලා බලන ගමන්.
" මේක ටක් ගාලා වේලෙනවා අනේ මේ තියෙන රස්නෙට"
"මේ ඒක නෙවෙයි සුදූ මං මේ ඔයා එක්ක කතා කරන්නමයි හිටියේ" සුනීතා එහෙම කියන ගමන් දේදුණු ලගින් වාඩි වුනා.
"ඇයි නැන්දා?"
"මොකක්ද මේ විසල් ගේ ප්‍රශ්නේ" සුනීතා අහද්දි දේදුණු ට ඉබේටම වගේ බිම බැලුනා.ඇත්තටම ඒකට දෙන්න හරියකට උත්තරයක් දේදුණු ට තිබුනේ නෑ.
"ආ....සුදූ....මොකක්ද ප්‍රශ්නේ" සුනීතා ආයෙත් ඇහුවේ දේදුණුගේ සද්දයක් නැති නිසා.
"අනේ මං දන්නේ නෑ නැන්දා ඕවා" දේදුණු කිව්වේ සුනීතාගේ ඇස් මග ඇරලා.
" දැන් විසල් ඔයාට කතා කරනවද?"
"ඉදලා හිටලා තමයි.එයාගේ ඔක්කොම වැඩ කරගෙන වෙලා තිබ්බම කතා කරනවා"
" මොනවද ඔච්චර වැඩ එයාට තියෙන්නේ? තාම එයාට කම්පැනි එක බාර දීලත් නෑනේ නේද?"
"අනේ මං දන්නේ නෑ නැන්දා ඕවා.එයා ලුනේ දැන් අපේ අප්පච්චිගේ වැඩත් බලන්නේ"
YOU ARE READING
මන්දාරම් අහස යට (Completed)
Teenage Fiktionඅතීතයත් වර්තමානයත් අතර සිරවූ තරුණයෙක්.. සැබෑවත් සිහිනයත් මැද අතරමං වූ තරුණියක්... ආදරයත් ආකර්ශනයත් පටලවාගත් තරුණියක්... සිත් දෙකක් අතරට මැදිවූ අතීතයක්... මන්දාරම් අහස යට ගොඩනැගූ ප්‍රේමයක්...❤️ එන්න....අපි මන්දාරම් අහස යට ආදරේ විදිමු... ❤️
