Jonakir Khelaghar

Roopkothar Desh

The Land of fairytales...

Nilu: (Looked at him in surprise… ) Abul khan uss din Durga ko apnane ka vada karke chala gaya aur mahino tak nahi louta. Iss beech Rajkanya ke sipahi aaye aur jungle ke kone kone se Dassyu Raja ki sena ko khaded ke mar dalne lage. Kuch Abul ke kareebi wafadar Durga ko waha se chhupa ke kahi aur le gaye. Sheher mein halla utha ke Abul ko Rajkanya ne sher ke pinjre mein daal diya tha aur Abul khan ek 20 saal ka Dassyu Usi sher ka khana ban gaya… par kuchh log kehte hai sher ki ladai mein Abul ne sher ko hara diya aur Rajkanya ne usse shadi karli iss shart pe ke uski sena pe aur unke parivar pe koi atychaar na kare.

Par Durga apne Dassyu Raja ko chhudane ki koshish mein sena ikattha karti rahi, uske saath woh khud bhi astra shastra seekhti rahi ...Mahino ki mehnat ke baad ek mouka mila.Eid ki khushi manane Rajkanya aur unke shohar Rizwan Shah...jo kisi door mulk ke sultan ke bete the… apni praja se milne Jalalgarh ki rajdhani ke mele mein aaye aur Durga ki Dassyu sena ne unhe gher liya… Raja ke sipahiyo ki buri tarah haar hui… aur Durga ….. durga bhagi apne Dassyu Raja se milne… uski laal saari lahu se geeli uska safed ghoda khoon mein nahaya… par na Durga ruki aur na uska ghoda Shahsawar…. akhir woh apne Dassyu Raja ke paas pahunchi aur haath badhakar boli…

Durga: Apki Durga apne Dassyu Raja ko lene agayi… Azaad hai aap. Ab sab theek hai… Raja ko uske Shahsawaar ki sawari hi bhati hai… chaliye mere Dassyu Raja aaj koi nahi rokega aapko… aaj waqt, taqdeer, sahi galat sab ka hisaab kar ke aayi hai aapki Durga… 

Abul: Main Rizwaan hu aap koun? Maine pehchana nahi aapko. Aap jise dhund rahi hai main woh nahi… main toh Rizwaan Shah hu. Aap lout jaaye Dassyu Kanya… aap ke zindagi ke liye lout jaaye. Aap rahengi toh aapke Dassyu Raja jaha kahi bhi honge khush honge.. 

Byom: Varna aap ko kuchh huya toh woh jee ke bhi kya karega?...

Nilu: Durga roi, gidgidai par Abul nahi manaa ke woh use pehchanta bhi hai… ant mein Rajkanya ne gadiwale ko gadi badhane ki agyaa di… aur Durga wahi zameen pe hatash padi rahi… Mahino ki mehnat aur tapasya sab kuch bekaar hogaya… phir jab Durga ne gadi ki taraf dekha toh Rajkanya mudi aur muskurai… aur jab gadi waha se mudi toh baki sari sena hatash hoke bhag gayi par Durga ke liye sab khatam ho chuka tha… Woh waha se uthi, aur socha kuchh nahi toh ladte huye marungi… 

Usne Shahsawar ko pyar kiya uska matha chuma aur phir Rajkanya ke Rath ke peechhe apna ghoda doudaya…. Durga ne chaar teer chhode aur chaaro Rajkanya ko cheer ke nikle woh wahi dhwast ho gayi…. Abul Durga ki taraf bhaga par Rajkanya ke sipahi mein se kisine Durga ke seene pe chaku daag diya…

Byom: phir use kya hua?

Nilu: Abul Khan chilata raha Durga ko rukne ke liye kehta raha par Durga nahi ruki… 

Durga jungle mein ghat ke paas apni chita sajake aayi thi… uss jalti hui chita mein Durga apne aapko jhokna chahti thi… Abul ka yeh nazara dekh ke paseene chhut gaye… 

Durga chita se kuchh door hi zameen pe gir gayi…. uska itna khoon beh chuka tha ke woh zameen pe pade mar rahi thi… 13 saal ki Durga aur 21 saal Abul wahi zameen pe baithe ro rahe the…

Durga: Aap kyu rote hai Rizwan Shah… aap toh mujhe pehchante bhi nahi...jaante bhi nahi… main agar mar gayi toh aapko kya?

Aap toh Rajkanya ke pati hai… mere Dassyu Raja nahi… 

And she died….

🥀🥀🥀🥀🥀🥀🥀🥀🥀🥀🥀🥀🥀

Hi,

Votes and comments are few now a days due to festival season..but i don't mind much. Some stories need telling... and i feel this is one of them... thanks to those who have been connected and had been enjoying till now.

paricaanupre_jaans , NurAmy5 , prernasurya20 , @Srija_10, @Arpitab14 @diya49251 @suchishmita_17 @santoshpur @anupre @lostsoul2412

Loads of love to all of you...have a lovely festive season dears...