💀هوسي بإبنة عدوي 2 💀
👑oumaima mega👑
🎭5🎭
دخلت وفاء للعند اصغر شبل في العائلة ديالها وتب ...تمشات في الغرفة كتقلب عليه بعينيها و دخلت للدريسينغ لقاتو كيسد في الصدفة ديال السروال ديالو و منزل راسو و الشعر الاسود طايح على الوجه ديالو
وفاء بابتسامة و كتمشى عندو : حبيبي ساليتي
وتب هز راسو و جبد عينو : وفاء جيتيي ....وصلت للعندو كان واصل في الطول ديالو للحد الصدر ديالها حطات يديها على الخدود ديالو بابتسامة : ها أنا أ صديق ديالي
وتب نزل حجبانو : متبقاش تجي لعندي كوثر اجي نتي
وفاء ضحكت : ههه واخا (و بدات كتحرك يديها في شعرو ) يلاه نقادو دغيا باش نكونو في الوقت ديال الفطور ...وتب حال فيها عينو بابتسامة
بعد ساعة تقريبا ...تحل المصعد لي في الاسفل ديال القصر و خرجات منو وئام بكعب عالي و ملابس جد قصيرة و تقاشر طوال كيوصلو للفخد ديالها و شعر طويل اشقر و وجهها مقاد بالمكياج و كتمشى و في العنق ديالها سنسلة فيها جوهرة حمراء مصايبة على شكل مصاصة ...و هي شادة الهاتف ديالها لي بالغوز و فيه تاج بالدهب ...و كتشوف فيه ...طلعت راسها للفوق و قلبت شعرها كتمشى في احضان هاد القصر و الخادمات كيدوزو عليها منزلين راسهم و هي كتمشى للجيهة المائدة الطويلة ديال الافطار ...كانو واقفين الخادمات و كيحطو في الاطباق ... جالس وتب و ضام اليد ديالو بكل احترام فوق الطبلة و جالس بالقرب منو وعد مشبك اليد ديالو قدام المائدة و تعابير وجهو هادئة تحت النضاضر و ابتسامة خفيفة على فمو و هو كيشوف في وئام و هاز حاجبو ...بلاما تهضر معاهم جلست في المقابل ديالهم كتشوف فيهم و كترمش
وفاء كتمشى مع المدبرة ديال المنزل الجديدة و كتهضر بجدية : نتي عارفة مزيان ا منار ليوم بغيت يكون غداء صحي
منار منزلة راسها باستقامة : كوني هانية امدام
وفاء هزات حواجبها : تحط للفطور ؟
منار منزلة راسها : ااه ا مدام ...وفاء حولت عينيها و مشات كتمشى للمائدة و ابتاسمت للوجود اشبالها مجموعين : صباح الخير ....ووقفت للعندهم
وعد كيشوف فيها بنفس الابتسامة : صباح الخير ...وفاء جلست حداه بكل رقي
وئام مهانياش ماجلساش على راحتها كتحول في عينيها و كتشوف في وفاء : فين دادي ؟
وفاء بنبرة هادئة : غادي يكون غير تعطل شوية
حتى تسمع الصوت ديالو الخشن : انا هنا اميرتي ...وئام دورات راسها مطرطقة عينيها بابتسامة ...الريكس تقدم للعندهم بخطواتو لي اعتادو يسمعوها و شبه ابتسامة على فمو جلس في الرأس ديال المائدة ...بداية هز يدو و حطها تحت الدقن ديال وئام و خدا قبلة من خدها و عاد دار للعند وتب و وعد : صباح الخير
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
