هوسي بإبنة عدوي الجزء الثاني (رواية بدارجة المغربية في طور الكتابة +18 )

74

💀هوسي بإبنة عدوي 2 💀
👑oumaima mega👑
🎭347🎭

وئام جبدات عيونها الزمردية و رمشت بيهم بكل انوثة : ولكن ا اصلان ط طريق
آصلان بابتسامة جانبية يد في الكيدون و يد في فخضها و رفع حاجب : مال الطريق ...و زير باناملو على فخضها بروية ...وئام نزلت عينيها ليدو و رجعت كتشوف فيه بحواجب الرأفة و معرفت ما تقول و بصوت خافت  : وو والو ... و بقات كترمقو بنظرات جدابة و في نفس الوقت كترمش و كتستنشق ريحتو بين احضانو تنفسها ولا بطيء و هي كتشوف وسامة هاد الاربعيني الوسيم ....لحيتو نوع من البحور السوداء كتليق ببشرتو لحنطية اناملها كتحرك في كتفو فحالا بغات تلمس ديك اللحية و طلعت عينيها للعينو المركزة على الطريق و كيبانو فحال شي جوهرتين من اندر الجواهر ....نزلت عينيها بين دراعو و يدو لي في فخضها الامر بدا كيعجبها بزاف انها تكون بين لاحضان ديالو تنفست بصعوبة و رجعت عينيها ليه كتحاكي قصة العشق لي كتغوصها هاد الصغيورة ميلت راسها ليه

الاركس كان كيسوق عادي و حس بيها مهدنة كيسمع غير لحن انفاسها الخافتة استغرب و دار عندها نصف دورة و هو كيرسم على شفايفو ابتسامة جانبية ....حتى لمح نظرتها الجميلة و الغريبة ...و هي مركزة معاه فحال داك الرسام لي كيحفظ الملامح باش يرسم لوحة ....شاف تعابيرها الجميلة المربية و انقبضت حواجبو و رجع شاف في الطريق و في ثانيتها رجع تاني كيشوف في نظراتها و عيونها لي مرآة من الفيروز لمح بيناتهم انعكاس للرجل آخر مكيعرفوش هو بالرغم من ان عندو نفس وجهو ....كيشوف الرجل لي كتبغيه وئام بين عينيها السؤال لي طرحو شكون هادا و منين جاا ؟ و شنو كيدير في عينيها ....رجع عينو للسيارة ...و وئام رفعت اكتافها و خدات نفس و دمست شفايفها كتحس بالانجداب ليه فحالا تخدرت بالنظر ليه ...هزات يديها و رجعت عنقاتو من عنقو و حطات صدرها على صدرو ...و كتبتسم و غمضت عينيها تعيش هاد اللحظات لي تملكها فيها ...الاركس فتح عينو شوية في اللحظة لي عنقاتو و رجعها لحجمها الاصلي ونضراتو مزال على الطريق ....و حيد يدو من فخضها ورجعها للكيدون و يدو لخرى حطها على ضهرها فين منسادل الشلال الدهبي الصافي على يدو ... و هو كينفت فحيح كيحس بيها كتختارق جسدو فحال السكين ...و كتاخد مكان ليها ولا اسمها كيسرى في دمائو السوداء و هو كيحسب المسافات باش يوصل بيها الفيلا

نرجعو للكتيبة ديال وعد ....لي وقف امام منتجع راقي للتزلج على الجليد الاصطناعي ...دخلو لموقف السيارات انسطلاوهم تما ...و خرجت كل من دفنة و روز لي مشات نيشان حدا ماماها و خرج وعد من سيارة ...و دارو كيتمشاو في الموقف و تبعوهم بعض لي كارد
دفنة بابتسامة : سوبراايز ههه كيعجبني التزلج من كنت صغيرة كنظن انك كتعرف تزلج ا وعد ....وعد بكل هدوء حرك ليها راسو ايجابا ...و وروز شدات من دراع دفنة و كطل على وعد بخجل
دفنة ضمات يديها : مزيااان حيت بنتي روز مكتعرفش تزلج (روز خرجت عينيها بالصدمة و طلعت عينيها في دفنة حيت هادي ماشي هي لحقيقة هي كتعرف تزلج و مزيان كاع ) ادن نتا لي غادي تعلمها ليوم ا وعد
وعد دار كيشوف في روزي لي مخرجة عينيها و فاتحة فمها في دفنة : مم معنديش مشكيل بلعكس ....روز رجعت شافت فيه بعيونها البرية الزرقاء💀هوسي بإبنة عدوي 2 💀
👑oumaima mega👑
🎭348🎭