💀هوسي بإبنة عدوي 2 💀
👑oumaima mega👑
🎭250🎭
في القصر ديال الريكس ....و في امام الغرفة ديال وئام ...واقف وعد و هاز يدو للقبضة الباب بدون ما يحط عليها يدو و كيفكر واش يدق و يهدر معاها ... مجاتش من لائق خاصة ان وئام دابا مكيناش و يقدر يجي اي وحد و غادي يضطر يعطي تفسير للدخولو ....جمع القبضة ديال يدو و حواجبو منقضة و غمض عينو كيخفي سوادها و هو كيتدكر زرقاوة عيونها تمنى لو انها بقات للوقت اطول ...فتح عينو بكل هدوء و قرر الانسحاب وهو محتافظ بحبو في داخلو ...رجع يدو للعندو و هز راسو في الباب و حرك عينو و استدار كيتمشى في الممر عاطي بضهرو للباب و عاقد حاجبو
في الغرفة ديال وئام ...و بضبط فوق السرير الفخم الزهري الخاص بيها....كان ملاوح الكتاب فوق السرير مقلوب على وجهو و حداه روز ناعسة على الكرش ديالها و تقيشرات ديالها في رجيلاتها و كتطلع و كتنزل و هي خاشية راسها في دراعها و كتشهق بشهقات متقطعة و مزيرة على السرير ...و صدا سمعها كيستعيد بداكرتها للحظة لي سمعت فيها صوت الانثى و كيزيد يتحرق قلبها صغير و كتزيد في حدة البكا و هي كتعصر و كتزير على قبضتها الصغيرة ...كانت عندها امل انها تعيش قصة صغيرة او بالاحرى تاخد فرصة اخرى باش تكون مع وعد و لكن انها تسمع صوت بنت غيرها معناتها هي دابا في قائمة المحضورات و هي مستحيل تقدر تنافس شي وحدة ولا عمرها حتى فكرت في هادشي
نرجعو للمسار ديال الاركس و الكتيبة ديالو لي كيتمشاو في طرقات مضاءة من الجوانب وسط هاد ليل الدامس ...الاركس كان كيسوق بيد وحدة و مزير على الكيدون و تركيز عينو المنقضة على الطريق و كيجسد للغموض على اصولو ...و جالسة بالقرب منو الشقراء ...ضامة يديها و حاطاهم فوق فخضها و متكية على الكوسان و كتماصي شفايفها مزال تحت تأثير السحر و عينيها مرة كتنقلب ليه مرة كتنزلهم و كتعض شفايفها ... كتفكر في شي جواب غير مباشر تقولو ليه فاش يسألها واش تقبل تولي معاها كتنقبض ملامحها و كترجع تفتحهم فحال شي زهرة النرجس... كتلملم بشفايفها المنتافخة ...و هي كتهيئ الكلمات المناسبة و الجمل خاصها تبان متحضرة و عقلانية و ماشي من نوع المراهقات لمتسرعين او لمتلهفين ...رجعت كدور بفيروزتين ديالها و كترجع تلمحو بنصف نظرة و كتحرك غير عينيها فيه شخصيتو و هيبتو كرجل جدابة لأي فتاة في جميع الاعمار ...كيعجبها فاش كيشوف فيها بعينو الخضرين او كيحط فمو على شفايفها صغيرة ...طلعت معاها الحرارة و رجعت طلعت يدها كتداعب شفايفها و كتزيح انظارها عليه و دورات عيونها كترفرف برموشها للشرجم ... و هي تغير تعابيرها و هي كتلمح على بعد مسافة كبيرة نصف دائرة كلها اضواء مزينة المكان و كضرب حتى للسماء لشدة ضخامتها و الكتيبة كتنعاطف في الوجهة ديالها ...وسعت عيونها و حيدت يدها على فمها و دارت عند الاركس بسرعة و شعرها فحال الحرير كيدور معاها : واش غادي نمشيو للهادييك ؟ ...و هزات صبعها كتنعت في للوجهة ديال الدائرة المضاءة
الاركس حرك غير البؤبؤ ديال عينو و رفع حاجبو باستبشار : ااه غادي نمشيو لتما....وئام تفتحت عيونها مع ابتسامة و كتهدر بحماسة : بصح و و وشنو فيها ؟
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
