هوسي بإبنة عدوي الجزء الثاني (رواية بدارجة المغربية في طور الكتابة +18 )

112

💀هوسي بإبنة عدوي 2 💀
👑oumaima mega👑
🎭504🎭

وفاء : واخا بقاو هنا صافي ....و ناضت من تما غادي ترجع تخرج باش تحاول تتواصل مع الريكس حيت هي خايفة بزاف علييه ...و سدت الباب من موراها

روز باهتمام : شنو واقع ؟ مال عمو فهد و حتى خالتو وفاء كتبان خايفة بزاف
وئام دارت عندها : غير حيت دادي كانت عندو يمكن شي خدمة و جينا بوحد طريقة غريبة بزاف داكشي علاش و حاجة اخرى كنت باغا نقولها ليك 
روز : شنوهيا ؟
وئام تبسمت بهدوء و قلبها فيه رعشة فحال الفراشة : ليوم كان آصلان في الحفل
روز جبدت عينيها : بصصصصح واش كان من المدعويين واش شفتيه من بعييد
وئام هزت الكتفين ديالها : معرفتش بضبط المهم رقصنا انا وياه
روز : و لكن كانت خالتو و عمو تما
وئام حركت راسها بالنفي : لا مشافوناش ولكن من بعد معرفتش واش مشا ولا بقا في الحفل حيت مشينا دغيا من تما قلبت عليه بعيني ملقيتوش
روز : واش يقدر يكون جا على قبلك ؟ ....وئام : معرفتش ...روز وسعت ابتسامتها : واااو ههه
وئام : امم انا غادي نصوني ليه باش نشوف واش باقي في الحفل و لالا ؟

الريكس خرج من المكتب ديالو في المعسكر ديالو كيتمشى على هيئة اسد بخطوات سريعة و الهيبة و القوة كضهر عليه و من موراه اعوانو كيتمشاو معاه بنفس الوثيرة ....شاف بزاف ديال المكالمات من عند شقرائو و رن على الهاتف ديالها .....وفاء كانت في الاسفل ديال القصر كتمشي و كتجي و قلبها منقابض عليها و شادة بين يديها الهاتف حتى صونا ليها بسرعة حلاتو و حطاتو في ودنها بلهفة : الوووو فهد فينك ؟واش نتاااا بخييييير ؟
الريكس كيحاول يحافض على نبرة الهدوء معاها حيت عارف ان اميرتو حساسة بوحد الشكل كبير : انا بخير ا وفاء
وفاء : اجييي داابااا ا فهد عافاك راه انا و وئام خايفين بزااف
الريكس كيسمع في صوتها رجفة و هاد حديث الخوف لي مكيبغيش يتقاسو بيه اميراتو : واخا ا وفاء غادي نجي دابا شوية

في الغرفة ديال وعد ....بمساعدة ديال وثب و كوثر قدرو يقادو وعد في سريرو بحكم فقدانو للوعي .. . و وثب قدر يحاول يحرف الحقائق و يرجعها لصالح وعد ...و لكن خاصو يهضر معاه ضروري للاسف ماشي دابا وقت الهضرة ...خاصو غير يحرص على ان حتى شي حد ما يجي عندو و يشوفو في هاد الحالة
💀هوسي بإبنة عدوي 2 💀
👑oumaima mega👑
🎭505🎭

وفاء جالسة في الكنبة لي كينا تما و عينيها و انظارها على الباب الداخلي للقصر و هي كتنتاظر في الريكس على احر من الجمر ....حتى دخلت الصهباء دفنة بملابس مغايرة ....و من تعابيرها كتبان عليها معصبة ...و عاقدة حواجبها و بين سنانها كتدكر غير اسم نزار ...حتى يجي و غادي يهضرو مزيان على داكشي لي وقع ....وفاء شافتها و ناضت من مكانها و تمشات لعندها

وفاء : دفنة ....دفنة دارت عندها و وقفت مكانها  استغربت من وجودها في هاد الوقت : وفاء ؟ جيتي داباا ؟
وفاء جات لعندها و سلمت عليها : ااه كنتسنى فهد و نتي فين كنتي ؟
دفنة هنا رجعت شعرها للوراء شنو غاتقول لصديقتها كانت في جحيم : احم كنت مع نزاار
وفاء : و فين هو داابا ؟
دفنة قلبت عينيها بلا مبالاة : كيف العادة مشا لخدماتو الليلية المشبوهة
وفاء حركت ليها راسها : ااه ااه صافي
دفنة : المهيم انا غادي نطلع دابا كنحس براسي عيانة شوية
وفاء : تصبحي على خير ...و تجاوزتها دفنة و تغير وجهها للعصبية مغتنساش شنو كان غادي يدير فيها نزار  ....و بقات وفاء واقفة متأملة كتشوف في الطريق كتنتاظر الريكس