💀هوسي بإبنة عدوي 2 💀
👑oumaima mega👑
🎭375🎭
طلت الشمس على الغرفة الاميرة الزهرية بسمفونية العشق و الخيوط المشرقة ...وئام ناعسة على كرشها بطريقة جميلة و شعرها مطلوق بخصلاتو و مغمضة عويناتها في سبات عميق ....كوثر المربية ديالها واقفة في وسط الغرفة و شادة جهاز تحكم كتفتح بيه الستائر اوطوماتيكيا باش تسمح لشمس تغازل جمال للاميرة وداعبها باش تفيق ...حطات الجهاز على جنب و دارت كتمشا لجيهة سرير وئام بخطوات حدرة و كتهدر بصوت خافت : وئام وئام وئام فيقي ...وئام كتزيد تخشا في وسادتها اللعينة و كتبعج شفايفها مع بعض حيت كسلانة بزاف و هادا يوم الاحد ممضطراش تفيق بكري فحال سائر الايام
في الحديقة الخاصة بالقصر ...و بالقرب من بعض الاشجار الخيزران النادرة كانت كتسمع صوت ضحكات جميلة بريئة ....كانت روز بلباس جميل قصير و دايرة الكمامة على عيونها الزرقاء و طالقة يديها فحال العمياء و كتبتاسم و كدور على راسها : وثب وثب ....كان وثب كيدور عليها و كيرجع شعرو بيدو للور و كيقرب منها و كيهدر و فاش كتبغي تشدو كيرجع بللور و كيضحك و هو كيشوف كيف كتقرب ليه ....كان في الارجاء و على طريق القصر ...وعد لابس لباسو الكلاسيكي المعتاد و داير يدو في جيبو و كيتمشى بملامح مستبشرة كيتبع مصدر هاد ضحكات الجميلة الصباحية ...استدار يمين كتبان ليه روز كتدور على راسها و كتضحك باعلى صوت و هي كتحاول تشد وثب و بكل جنتلمانية و هدوء غير اتجاهو ليهم و رسم على شفايفو بسمة هادئة ...و بدا كيتمشى للعندهم وثب كان كيدور عليها هو يدور عيونو اللوزية المائلة للسواد لجيهة وعد و رسم ابتسامة جانبية ليه ...و وعد حرك غير عينو فيه و طلع يدو و حط اصبعو على شفايفو بمعنى اشش ....و وقف و ربع يدو و رجع عينو ليها كدور و كتنادي باسم وثب ....وثب وسع ابتسامتو الماكرة ...و تمشا بسرعة وقف قدام وعد ...وعد نزل فيه غير عينو مع تعبير كيعني شنو غادي يدير
وثب بابتسامة : روز انا هناا اجي ...روز دارت للمصدر الصوت : ههه انا غادي نشدك ...و دارت كتمشى بشوية غادا لجيهة وثب و وعد و بابتسامة على شفايفها ...خطوة بخطوة حتى قربت توصل ليه و هو ينساحب وثب من قدامها ...و بقات كتمشى للعند وعد ...لي واقف و حرك عينو مع وثب بابتسامة جانبية كيشهد على المكر ديالو في هاد السن الصغير و رجع عينو ليها حتى وصلت عندو بهاد الشكل اللطيف ...رفع حواجبو برأفة عليها و حطات يديها صغار على صلابة دراعين ديالو و عضلاتهم و بدات كتبغجهم بيديها ماشي ادرع وثب هادو نزلت ابتسامتها و هي كتفحص فيهم و زادت خطوة اخرى للعندو ...و وعد بنصف نظرة شاف في يدياتها و رجع كيشوف فيها جمال معصوب النظر وثب واقف في الجوار بابتسامة جانبية و خاشي يديه في جيبو ...روز اشتمت رائحة وعد و هي تشهق و قلبها خفق و رجعت للور و يديها هزاتهم بسرعة باش تحيد منهم العصابة لي في عينيها و بالموزات وعد طلع يدو بشكل سريع و شد ليها المعصمين ديال يديها قبل ماتوصلهم لعينها .... روز مكتشوف والو و لكن حاسة انه وعد قلبها غادي يوقف و بدات ترجع خطوات للور
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
