هوسي بإبنة عدوي الجزء الثاني (رواية بدارجة المغربية في طور الكتابة +18 )

الاجزاء السابع عشر

💀هوسي بإبنة عدوي 2 💀
👑oumaima mega👑
🎭46🎭

وعد تنهد و هو كيشوف في الريكس و تقاسيم وجههو مختوم عليها طابع الوسامة و حتى الستيل ديالو الجديد برز البنية ديالو و خلاه يبان شخصية و كبر من عمرو ... حرك راسو بالايجاب للريكس و ابتاسم ليه ابتسامة هادئة : كنشكرك

الريكس حط يدو على الكتف ديالو بشبه ابتسامة : هادا هو وعد ديالي ...و طلق منو وعد استدار بهدوء و هو كيشوف في السيارة ديالو الرياضية الجديدة و مشا ضرب الدورة لمكان السائق و طلع فيها و هو كيتفحصها بعينو و بدات كتاخد الابتسامة ديالو المنحى ديالها ( الاولاد ديال الريكس السياقة عندهم فحال شي درس من دروس اليومية ) ...و شد الكيدون بيدو لي فيها ساعة من الدهب الخالص ..و وسع الابتسامة ديالو و الباب كينزل بوحدو بكبسة زر

الريكس رفع راسو وعينو عليه بشبه ابتسامة و حول عينو بشكل نصفي للمجموعة من السيارات سوداء فريق جديد بالكامل خاص للمسيو وعد السمري ...وعد ديمارا الطموبيل ديالو و بدات كتمشى ببهدوء و بداو كيتمشاو معاها السيارات التابعة ليه ...و كتخرج على مدار الطريق المنتجع باش تشد الشارع و يتم إطلاق سرعة معتدلة لسيارة وعد .... و الكتيبة لجديدة محيطة بيه

في المدرسة الاعدادية في الساحة الخارجية ديالها ....كانو داخلين التلاميد في سكون تام و هما كيتمشاو على الطريقة الثنائية او الاحادية حسب كل واحد و صداقات لي مكونها ...كانو مجموعة من الفتيات و الصبيان كيتمشاو و كيضحكو ...حتى دخلت للمكان السيارة ديال وعد السوداء المعتمة كليا والملكية فيها خطوط دهبية ...و هي مبطئة السرعة ديالها و كتمشى في الجيهة ديال الموقف ديال السيارات ... توقفو في لحظة على الحركة و وقفو في اماكنهم كيشوفو حيت هاد النوع من السيارات الفاخرة ميمكنش يمتالكها استاد و في نفس الوقت ميمكنش لتلميذ في الاعدادية يسوقها ....وقفو مقابلينها حتى وقفت في مكانها ...و ترفع الباب ديالها للاعلى ...خرج منها وعد فحال الامراء بطريقة لباسو الجديدة و الستيل لي كيبين على الشخصية ديالو هز الساك ديالو ...و استدار كيتمشى بطريقة البطيئة ...و الاعين كتشوف فيه بصدمة و شكون لي ميعرفش وعد السمري من ادكى طلاب لوتشي ... بدات شهقات الاناث المسموعة كتوالى فاش عرفو الهوية ديالو ...و بدا اسمو كيتردد بتساؤلات في الالسنة ديالهم ....و هو كيتمشى بيناتهم و كيرفع حاجبو من الانظار ديالهم لي فعلا مكيهموهش و مامتعودش عليهم ...تجاوزهم و كمل في الطريق ديالو للداخل السكول و طلع يدو خشا الانامل ديالو في التصريحة ديال شعرو الجديدة ...و كيحول غير عينو بالقرب منو و كيشوف الشهقات في ودنو فعلا استغرب للامر

في الفصل الدراسي ...كانت رشا واقفة بطريقة مثيرة و ملابسها جريئة و شعرها مطلوق على الاكتاف ديالها و كترجعو لور بيدها باستمرار و التلاميد كيدخلو بتوالي عليها ...و كيلتاحقو بالاماكن ديالهم ...و هي تحول عينها للباب بلا مبالاة ....حتى دخل للعندها وعد ورمقها بنظرة جانبية وحولها للمكان لي متوجه ليه هاد المراهق في الدم ديالو الشخصية و الوسامة...رشا فتحات عينيها على وسعهم فيه بدهشة و هي كتميل راسها بدون وعي ...من لأول وهو كيعجبها ولكن دابا كتحس بحرارة الجسد ديالها ارتافعت من شدة الوسامة ديالو و هي متبعاه بعينيها ...حتى جلس في المكان ديالو ...زميلاتو في الفصل صدمهم و هما كيشوفو في وعد صاحب الهيئة المملة بهاد الشكل ...دق جرس بداية الفصل لحاجة لي خلات الانسة رشا تنهض من السبات ديالها