اعتدر حبيباتي على تأخير ....يلاه ساليت امتحانات الماستر ديالي
#تدكير
تدكير في رواية هوسي بابنة عدوي الجزء الثاني "الفصل الاول " .... هي رواية فيها طابع الرومانسية و الاكشن و كلشي ....يعني البطل كيتقاتل مع اب البطلة ....و كيمشي عندها هي يعيش معاها الحب .... انتقام من نوع اخر تقدرو تقولو . .. و اختاريت صراع الطبقات الغنية يعني غير مافيات بيناتهم .. باش تعطي القصة اختلاف و طابع جديد كليا و كلاسيكي ...و جمعت افضل لقطات لي بانو ليا
ملاحظة " اقتصرت على وئام و اصلان ....مدخلتش معاهم حتى وعد و روز و رشا " كنتو وقفتو في ان الريكس سمع وعد كيعتادر لروز على ود الاغتضاب ..... بعدا اليكم الاحداث كاملة
✔لقاء الاول بين اصلان و وئام
وئام ضامة يديها للعندو و كتشوف فيه و متطمناش ليه و هي تحرك راسها بالنفي فحال شي طفلة : لا لا ...و زاحت بعينيها امامها و الاعين لي كانت مترقباها زادت ركزت عليها
هو دار ابتسامة هادئة جانبيةو سمع الضحكة ديالو و ميل راسو و يدو مزال ممدودوة ليها و بنفس الصوت ديالو : ماشي من لائق ترفضي الرقصة ا انسة و كلشي كيشوف فينا..ووسع ابتسامتو ....وئام واقفة و طلعت راسها كتشوف في الجوانب ديالها بصح كانو الاعين كاملة عليهم كيترقبو شنو غيوقع و هي دور عندو و شافت في عينو و قلبها بدا كيخفق بشوية و هزات يديها الصغيرة مترددة تحطها فوق اليد ديالو الضخمة و حطاتها في للاخير ..
✔لقاء الثاني كان قبلة الانتقام ...و لكن بالنسبة لوئام هي قبلة اولة
الآركس بابتسامة جانبية و بنبرة هادئة : يمكن نسيتيني بزربة ا وئام (وئام زادت طرطقت فيه عينيها و هي كتشوف فيه نفس الصوت ديال المقنع لي هضر معاها في الحفل بدا قلبها كيخفق بزربة و يدو في خصرها كتحرك و هي كتحول عينيها في عينو و كتسرط ريقها و غير صوت نفسها لي كيهضر و حس بيها كترجف في يدو) ماشي مشكيل دابا مغاديش تبقاي تنسايني ....هو يحول عينو في شفاهها المنتافخة و مال شوية و حل فمو و حطو على فمها و جمعو ليها بمصة ...
✔البرهوشة فاش مبغاتش تشد ليه
وئام كتشوف في الآركس : لا مكاين حتى مشكل غير المستر غلط في الشخص كنستأدن ... و استدارت و طلقات شعرها بيدها بغرور و كتمشى و لكارد دار نزل الرأس ديالو للآركس بحكم انه السيد ديالو ....لي مزال لحد الآن تحت تأثير الصدمة وهو كيشوف في البرهوشة كيفاش لعبت ليه على أعصابو لغليان في الداخل ديالو زير على يدو كابح الغضب ديالو و عينو مكينزلهمش عليها و هي كتمشى بتمايل قدامو و رافعة راسها للفوق ...
✔على ودها دخل كانه استادها متنكر
الآركس دار يدو من موراه و وقف بصدرو عامر و تعابيرو مبتاسمة بطريقة غير عادية و هضر بصوت هز المكان : نقدم ليكم راسي آصلان ماركل و انا الاستاد ديالكم المؤقت ...و حول عينو للوئام ...لي موسعة عينيها و بدات الخدود ديالها كتشتاعل بالحمرة مبقاتش كتحكم في راسها ماشي ساهل انك ترقص مع شخص و يبوسك و تقرر تنساه و في الاخير يطلع استادك ...نزلت عينيها للطاولة و كتحاول تجمع يديها عندها لي كترجف
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
