هوسي بإبنة عدوي الجزء الثاني (رواية بدارجة المغربية في طور الكتابة +18 )

117

💀هوسي بإبنة عدوي 2 💀
👑oumaima mega👑
🎭520🎭

لاس كان كيتمشى هاز كاس في يدو و دمو تحت الصفر ...حتى وصلو ان بنت الريكس مزال جالسة في مكانها واخا كتمطر عليها الشتا ممشاتش ...هنا نقابض وجهو و دوز بيدو على لحية ديالو ...هاد البرهوشة ميمكنش تبقا ليه هنا ...مشا نزل شوية في الدرج ... كتبان ليه مزال جالسة معرف شنو غيدير معاها ...بقا حل واحد و دار مشا غادي في الوجهة ديال الغرفة الخاصة بالآركس

في القصر ديال الريكس ...من بعد يوم شاق بزاف دوزو وعد في تدريب على السلاح ....رجع للقصر و هو مرهق بزااف و دخل كيتمشى في الارجاء ...بوجه منعدم تقريبا دور عينو بهدوء حتى كتبان ليه وفائو ...وهي ضهر على ملامحو طيف من البسمة غير النظر ليها كيخلي اي هم او مشكل يختفي ويتحول للسكون ...  هي القداسة المبجلة ديالو توجه ليها ...كانت وفاء كتقرا كتاب على المعناة ديال اطفال افريقيا و قلبها متفاعل معاهم حتى سمعت خطوات ...هزت راسها و تبسمت : اميري وعد ... تقدم لعندها و رفع يديها و قبلها ليها بكل حب و جلس على للجنب ديال الفوطوي 
وعد : جيت نجلس معاك شوية
وفاء : جلس ا حبيبي (  و بدات كتشوف فيه بفضول )حبيبي فين كنتي نتا و الريكس ؟
وعد : كنت في المعسكر
وفاء : امممم و شنو كنتو كديرو في المعسكر
وعد عارف ان امور تعلم ديال السلاح خاصها تبقا سرية على وفاء : كنت غير كنشوف لي كارد كيفاش حتى كيتدربو
وفاء : صراحة مشيت لمعسكر شي مرات و لكن كاين شي بلايص مخلانيش الريكس ندخل ليهم شنو فيهم بضبط ؟
وعد تبسم و هو شاد من يدها بين يدو : امم ماشي شي حاجة مهمة كون كانت الريكس كان غيوريها ليك
وفاء صغرت عينها : كيبان ليا وليتي كتهضر فحال الريكس ا وعد يمكن هادشي من مرافقتك ليه
وعد : هه شرف ليا هادشي
وفاء وسعت ابتسامتها معجبة و فخورة بأخلاقو : اووو حبيب ديالي
وعد : دابا غادي نخليك غانطلع و غنرجع نجلس معاك شوية
وفاء : واخا ....و ناض من حداها و مشا لسانسور باش يطلع لبيت ديالو ...بالموازات دخلت دفنة بلباس رسمي ديال الخدمة للقصر ...مشات عند وفاء مباشرة من بعدما شافتها جالسة
دفنة : وفاء ؟ جيتي ؟
وفاء دارت لعندها : ااه جيت قبيلة
دفنة : نزار هنا .....وفاء : صراحة مشفتوش فاش جيت لهنا
دفنة : امممم (خاصها تهضر معاه في موضوعهم ضروري ) و البنات جاو
وفاء : جات غير روز اما وئام مزال و قلبي ممرتاحش من جيهتها هاد المشية ديالها من مور المدرسة عند صحباتها كتخلعني عليها
دفنة : وفاء راه وئام دابا في فترة مراهقتها و خاصك تسايريها فداكشي لي كتبغي ميمكنش تبقا هنا في الدار حتى هيا باغا تكون مع صحباتها و تمشي لعندهم من الاحسن متحرميهاش من هادشي ومتخافيش عليها راها ماشي بوحدها لي كارد حاميينها و لا بغيتي طمني عليها صوني ليها في تليفون

💀هوسي بإبنة عدوي 2 💀
👑oumaima mega👑
🎭521🎭

وفاء : داكشي لي بان ليا غادي ندير

في الغرفة ديال الاركس ...مزال جالس مع لونو المفضل لي هو السواد كيرسم فيه خيال اميرتو الصغيرة بدخان سجائر ... و هو كيحرك غير يد وحدة حط السيجار جانبا و هز كأس الشراب لي حداه شرب منو رشفة ...حتى كيسمع دقات الاستئدان ...دور عينو ببطء في الباب شكون هادا لي غيزعج الشيطان من خلوتو و تركيزو ....و هز حاجب ....تفتح الباب و دخل لاس لعندو و سد من موراه لباب و هز الريموت ضوا المكان شوية باش ميبقاش في داك الظلام الدامس ....و تمشا لعندو و وقف قدامو ...الاركس تحت من خصلات شعرو حرك حاجبو الايمن بمعنو شنو ...علاش جا زعجو