هوسي بإبنة عدوي الجزء الثاني (رواية بدارجة المغربية في طور الكتابة +18 )

52

💀هوسي بإبنة عدوي 2 💀
👑oumaima mega👑
🎭231🎭

وئام فاش شافتهم وقفو روحها كانت غادي تزهق ليها و مخرجة عينيها بالصدمة و زيرت على يد أصلان بقوة و كتسمع صوتها الداخلي كيقول شنو الحل شنو غادي دير دابا ... الاركس بدا ينقص من السرعة و وفرانة بشوية من بعدها ...وئام مالت شوية للقدام ورجعت لبلاصتها و دارت للعندو بحواجب الرأفة لقاتو عديم الملامح كيشوف في الامام
وئام بصوت لين كيتخدر بالخوف : أ أ ص صلان ؟....و رجعت دارت قدامها كتشوف في السيارة ديال الشرطة ...لي نزل منها شخص داير نضاضر كحلين و بنية ديالو قوية لابس كل من القميجة و السروال بالاسود و حاط يدو على الحزام ديالو و السلاح ديالو في جنبو ...و بدا كيتمشى في الوجهة ديالهم ....الآركس رفع حاجب و نزل عينو بكل بطئ و حرك يدو الاخرى ضغط على احد ازرار السيارة ...و بدا كيترفع صقف السيارة ببشوية .....وئام عينيها غير مع الشرطي لي كيقرب منها و رفعت رموشها كترفرف بيهم مع الصقف لي كيترفع و صدرها كيطلع و كينزل ....حتى وقف امام انظارها و بكل كياتة كانت كترمقو بعويناتها الزمردية الخائفة وكتزيد تزير على اليد ديال لأركس وكتنتاضر بكل اهتمام الكلمات ديال الشرطي لي غيقولهم ...الشرطي كيشوف فيها بدون ابتسامة و أستدار نصف دورة لليسار ...و كانو جوج ديال الاشخاص من موراه خدا من عندو الاول صندوق بالزهري و قدمو لوئام ... هاد الاخيرة لي تملصت يدها من بين اصابع الاركس و طلعت يديها خدات من عندو الصندوق و هي مجبدة عيونها كتشوف فيه و نزلت عينيها و نزلت الصندوق على افخادها كتلمح فيه كريات الشكولا ملفوفة بالدهبي ...جبدات عيونها كترفرف بيهم بالصدمة و رجعت طلعت عينيها في الشرطي من تعابيرها ظاهر عليها مفاهمة والو ...و خدا صندوق ثاني بنفس الشكل و لون و قدمو ليها ...نحات الصندوق الاول للجنب و خدات الثاني و هي مكتنزلش عينها على الشرطي مزال غير داخلة في حالة صدمة ...عاد نزلت عينيها للصندوق كان فيه مجموعة من النونسات و دببة الصغار و لكؤوس ديال النوتيلا و بيضات كيندر محزومين بشريط من البابيون ... وئام قلبها كيلين و تحط اخر صندوق بالاسود فوق الصندوق لي حطاه على فخاضها مع باقة من ورد الجوري الاحمر و بعض النفاخات على شكل قلوب حمراء مربوطة بيه...و نوفاخة على شكل الميكي ماوس ... وئام مزال قلبها كيتروع بالخوف و طلعت شافت في الشرطي لي حنا الراس ديالو ليهم بكل احترام للاركس ...و هي تدور الشقراء مخرجة عينها في الاركس و شعرها كيدور معاها و كلها كتناخد و كتساءل بعينها ....كان هو راسم ابتسامة جانبية على شفايفو و حاط يد وحدة على الكيدون و كيرمقها بنظراتو المستبشرة كانه غادي ياكلها بنظراتو و هي بهاد الوجه المصدومة

وئام كتشوف هاد النظرة المتبسمة و انقلبت دقات قلبها لدقات مغزاها الحب و هي كتوسع عينها فيه و بمنتهى لطافة هزات صبعها كنتع بيه لصنادق : واش ه ادشي ليا أأ ن نا ؟
الاركس هز اليد ديالو الثانية داها للخصلة ديال شعرها المتدلية على خدها كيلعب بيها في اصبعو و بصوت عديم للكنة : غير هدية بسيطة لاجمل بنت جالسة دابا حدايا و كتشوف فيا بعينيها زونين ....وئام كتزيد توسع فيه عيونها بالحب و هو كيضخ كمية معدلة من الحب ليها و كتزيد على شفايفها الابتسامة و عضت شفايفها حيت كتحس براسها غادي تغوت من الفرحة لي في الداخل ديالها : شكراااا
اركس بابتسامة جانبية و نحى الخصلة على وجهها و دارها من مور ودنها لمزينة بحلقات دائرية و لمس الادن ديالها الحمرة حتى حست بدغدغة و غمضت عين و حالة لخرى فحال القطة ...و هو  كيتأمل وجهها  عن قرب و صغر عينو شوية : هادي غير البداية ديل الموعد ديالنا واش مستعدة نكملو ؟....وئام كتطلع انفاسها امام انظارو و كتماصي شفايفها فحالا بغات تعنقو في هاد اللحظة و تغوت و غير حابسة سعادتها في الداخل ديالها وقلبها كينبض عشقا ليه ومقدراش توقع شنو غيدير ليها من بعد هادشي وهي تحرك ليه راسها بالايجاب ببطء وهي سادة على شفايفها كتخبي السعادة لي واضحة على تقاسيم وجهها
الاركس من بعد ما خدا الجواب ديالها دار كيشوف قدامو و حيد يدو عليها : ادن دابا نكملو طريقنا ...وئام مزالا مطرطقة عينيها فيه و طلعت عينيها لي بالون لي مشدودين في الصندوق و كيطيرو في السما مع السقف ديال السيارة للمفتوح و رجعت نزلتها للصندوق و شكون الانثى لي في هاد الدنيا لي ماشي غرامها الشكولا ... و سيارات شديدة السواد تابعين لأركس محوطينهم من جميع الجوانب و سيارة الاركس الدهبية خارجين منها نفخات الحب ...و كيمرو في الشوارع بين الناس لي كتجدب انظارهم السيارة الدهبية صاحبة النفاخات ...طبعا هادشي سرور للصغيرة الملك انها دور عينيها للانظار و الابتسامة على شفايفها