💀هوسي بإبنة عدوي 2 💀
👑oumaima mega👑
🎭19🎭
متص فمها و رجع للور و رجع معاه روحها و عداد قلبها قرب يتحطم من قوة الخفقان وفمها مزال مفتوح و عينيها مطرطقين فيه وهو قريب منها بزاف إحساس فشلها كليا فحال النمل كيمشي في جسدها رجليها مكتحسش بيهم في الارض كانها مخدرة لولا يدو لي فخصرها لي شاد بيها توازنها
الآركس كيشوف فيها و في فمو ابتسامتو الخبيثة عليها بقايا أحمر الشفاه الخاص بالمراهقة نزل بؤبؤ عينو للاقدامها لي كترجف و رجع عينو للعينيها و هضر بنفس الصوت الخافت : خلي دائما هاد الاسم في عقلك الآركسس ...وئام متكية على الحائط و كتشوف فيه حواسها كلهم تسدو بسبابو بسباب القبلة ديالو ...هو يحيد يدو على خصرها خلا النار شاعلة في خصرها ...و طلق منها و رجع بخطواتو للور و دار يد في الجيب ديالو و استدار بكل هدوء عطاها بالضهر ديالو خارج و هو يغير التعابير ديال وجهو للاشمئزاز و رفع يدو دوز ابهمو على الفم ديالو بقرف منها تحت اسم ابنة الريكس
وئام بقات واقفة في بلاصتها كتعاني من تأثير القبلة الاولى مقدراش تحرك و رجليها كيرجفو كانها غادي تسخف ... و حالة عينيها بصدمة في الفراغ و كتسمع اصوات الموسيقى بعيدة بزاف و بدات كترجع للواقع و كيوضاح صوت الديدجي و الصراخ ديال المراهيقين في الرقص ... عاد رمشت كتستعيد الوعي ديالها و حولت عينيها في الممر لي كان خالي و قلبها على نبضو السريع ...وقفت و كتسرط في الريق ديالها و طلعت يديها كترجف لفمها لي متص منو العكر ديالها و بدات كتمشى فحال الثملة و عضت شفايفها و هي كتحرك في عينيها من هول الاحساس ديالها ...خرجات من الممر و هي كتمشى و كتحاول تستوعب الامر و كتهز عينيها كتشوف لحركات لي في ديسكو ثقيلة ...بدات كتمشى في اتجاه لي فوطوي حتى وقفو عليها الصديقات ديالها و حوطوها بابتسامة
لورين 1 حطات يديها فوق كتف وئام : وئام يلاه نمشيو نجلسووو
وئام هزات عينيها فيهم و نزلت حجبانها و حيدت يديها من فمها : خاصني نمشي دابا نتلاقاو غدا ....و دارت خلاتهم مصدومين ماعرفوها مالها ...بدات كتمشى و شادا من قلبها و لي كارد من موراها كيتمشاو معاها هي دابا في حماية الآركس ماشي الريكس جميع لي كارد لي دخلو لديسكو تبدلو بالاشباه ديالهم بقاو غير لي برا
في القصر ديال الريكس ....وثب هاز الهاتف و كيجري و كيضحك و من موراه وفاء كتجري من موراه بجدية منزلة حواجبها : وثب وثب وقف حبيبي مغنبقاوش نجريو خاصك تعطيني التليفون
وثب كيضحك و كيدور من موراها: ههه شديني هو لول
وفاء جبدت فيه عينيها : وثب ...الريكس كيتمشى طالع في الدروج بعرض اكتافو و تعبيرو الوجهي خامد حتى كتبان ليه زوجتو المصونة كتجري مع اصغر شبل طلع بشبح ابتسامة ....و وقف كجبل قدام وثب لي غير شافو هو يوقف قدامو بابتسامة و كينهج من الجري
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
