💀هوسي بإبنة عدوي 2 💀
👑oumaima mega👑
🎭509🎭
قصر الريكس .... نزار من بعدما تجاوز دفنة لي استقبلاتو استقبال حاد على ساديتو لي تطبقت عليها و خلا انظارها كلها قاتلة في اتجاهو ....تمشا لمائدة الفخمة ديال الافطار بخطوات متثاقلة خطوات رجل عصابة قضا ليل كلو في السواد كيبحث على كيفاش يسفك دماء عدو تجرأ يضهر امامهم حتى وصل للمائدة...و صبح على أميرات جالسين بمنتهى الرقي ...و كان ردهم الجميل على صباحو بابتسامة ملائكية مفعمة بالحب ...و انظارهم البريئة ...الحاجة لي كتخلي كاع داك السواد و ضلمة الاجرام ...تزول غير بنظرة في عيونهم ...طلبت منو وفاء يتفضل و تقدمت خادمة ...شرفت باش تعطيه فنجان من القهوة ... و استدار لعند اصغر اشبال الريكس ...لقا وجهو قلق بزاف و انظارو في احد الجهات ...و دفنة شرفت بالعودة لعند نزار
نزار حط يدو على شعرو : وثب باقي مامشيتيش
وثب استدار عندو بسرعة : ااه غادي نمشي دابا
وفاء ربعت يديها : وثب مبقاش الوقت بزاف خاصك تمشي دابا (و دارت عند وئام و روز طبعا ككل مرة كتشوف وئام منغامسة في الاحاديث الهامسة مع روز ) وئاااام
وئام قطعتها و دارت عند وفاء مجبدة عيونها فيها بمعنى شنو : كنظن عندك مدرسة خاصك تمشي ليها يلاه مبقاش الوقت
وئام : اووك واخا ....و قامت من مكانها و قامت معاها روز لي ودعت كلشي و وئام اكتفت بتلويح من بعيد عليهم
في الاعلى ديال القصر و من بين الغرف و الابواب المغلقة كيتمشى الريكس ...بمخملية بين هاد الجدران ...و هيئة ديالو فحال شي دكتاتور طاغي.... على وجهو اندار بالخطر غير من حواجبو المنقضة ....توجه لغرفة وعد و بين يدو جوج صور مكمشة ....كانت قدام باب غرفة وعد واقفة خادمة هازا في يدها بلاطو فوق منو مشروب عديم اللون فحال الما ....تقدم لعندها الريكس و خدا المشروب بيد ...و بيدو الثانية حركها ليها باش تنساحب ...و هي رأسها منحني ليه ...و امتاتلت لأوامرو ....فتح الباب و دخل لديك الغرفة الرجولية لي فيها رائحة خاصة بوعد ...و سد الباب من وراه ...و عينو على ابنو البكر الوريث لي مستلقي على الفراش ...باقي مسحاش من ثمالة ...توجه لعند راسو و حط داك المشروب و حول فيه عينو و بلكنة آمرة مخشنة بالرجولة : وعد ....يكفي نداء واحد خلا وعد يبدا يفيق من سباتو ... وعد كيسمع نداء ديالو و بدا كيفتح عينو بشوية بشوية و كيحس بشي صداع رهييب في راسو ...ناض شاد من راسو و مكمش وجهو ...و دار طلع عينو في الريكس
الريكس كان كيشوف فيه بنظرات من فوق و بجدية حادة و دار بهدوء دور الكرسي لي تما بيد وحدة و جلس فيه و رجع عليه بلور و شبك يدو ...و غير بعينو أشار ليه الكاس باش يشرب ... وعد كان حذر بزاف من انظار ريكس لي كانت كتنبأ بغضبو وان شي فعل قام بيه مسرش مسامعو ....هنا بدا وعد كيحس بالضغط والتوتر و نضراتو مترقبة جلوس الريكس المربك...دار وطلع يدو هز بيها المشروب تحت اعين الريكس و شرب منو كان حار و مر و لكن شرب منو رشفة و رجع حطو ...و عينو رجعها لريكس
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
