💀هوسي بإبنة عدوي 2 💀
👑oumaima mega👑
🎭32🎭تفتح باب السيارة للوئام ...و طلعت رافعة راسها للسما و جلست بالقرب من روز ...ورجعت شعرها من مورا الودن ديالها ...و نزلت عينيها للصاك لي في اليد ديالها و جبدات منو علكة ....فتحتها و خشاتها في فمها و تعابير وجهها مرآة للداخل ديالها لي كيحتارق بالغيض
روز ميلة راسها كتشوف فيها و مجبدة عينيها : شنو وقع شنو قالك ؟ ....بداو كينطالقو السيارات ديالهم و كيتمشاو في الطريق
وئام دارت عندها بدوك العيون الجميلة و رافعة حاجبها : شكون هادا ؟ ...و نخفت بالون في فمها حتى طرطقت
روز على نيتها : الآركس
وئام ربعت يديها و هي كتلوك العلكة و كتحرك بشعرها : قلت ليه مكنعرفوش و هادي هي الحقيقة شكون هو شكون هاد الآركس معندي حتى فكرة عليه زائد انه مكيناسبش مستوى لمعايير ديالي و أولها اني نكون في شي بلاصة وهو يبوس وحدة اخرى ادن ماشي هو الراجل ديالي ...و هزات حاجبها و نفخت المسكة و فرقعتها على الفم ديالها
روز كتحرك ليها راسها بالايجاب : و القبلة الاولى ؟؟ لي خداها
وئام عضت الشفاه ديالها السفلى غادي تنفاجر من لداخل : مغاديش نعتابرها و انتهى الامر ...و هي كتنفخ و كتفش و كتحول في عينيها يمين و شمال و للحرارة كتطلع معاه خدا من عندها قبلة هدية ...بدون شعور هزات يديها و مسحت فمها من لقبلة ديالو كأنها نزعتها من داكرتها ورماتها في قمامة
في الفيلا ديال الآركس ....صاحب القناق جالس على الفوطوي بلا قناع و مشبك الانامل ديالو لي بيضت بكثرت الضغط ...وهو جامع حواجبو و كيشوف في نقطة وحيدة و الشفاه ديالو السفلى غادي ينزعها من شدة العض و عيونو مفتوحة في الفراغ بقوة العصبية ... و كلام برهوشة الريكس جمرات كتشعل العافية في داخل ديالو
الآركس دار بسرعة للعند لاس و بنبرة عصبية كيهدر بين نيابو : برهوشة خرج منها هادشي كامل قالت ليك مكتعرفنيش
لاس جالس مقابل معاه و مربع اليد ديالو و بجدية : كتبان ليا حتى هاد الطريقة منجحاتش خصنا نعاود الخطط ديالنا كيبان ليا غير غنضيعو وقتنا مع هاد البرهوشة و مغنستافدو والو
الآركس كيحرك البؤبؤ ديال عينو بسرعة كانه كيبحث على شيئ : لااا مزال حل واحد و هو للآخر لي غادي نجيب بيه الصغيورة ديال باباها (وسط هاد الكومة العصبية خرج ضحكة جانبية و حول عينو لللاس ) يومين و لا ثالتة مغاديش نفوتهم معاها
لاس هز حاجبو : كنتمنى هاد للخطة تنجح و لا غادي تمشي 16 عام من حياتنا في والو
في القصر ديال الريكس ...في الغرفة ديال وئام ...كانت ناعسة فوق السرير ديالها و على ضهرها و الكمامة ديال العينين فوق جبينها و فاتحة عينيها و كترمش في الصقف ... ماكتنكرش انه بقى فيها الحال و لكن هادشي اهون عليها من انها تحط راسها في مكان ماشي بلاصتها ... الآركس اسم دخل للحياتها بلا ادن و للاسف دابا خرج بسرعة ...غمضت عينيها كتطرد اسم الاركس من عقلها ...و هزات يديها غطات عينيها بالكمامة ....و بالقرب منها ناعسة روز و مغمضة عينيها
![](https://img.wattpad.com/cover/205786460-288-k353538.jpg)
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...