هوسي بإبنة عدوي الجزء الثاني (رواية بدارجة المغربية في طور الكتابة +18 )

60

💀هوسي بإبنة عدوي 2 💀
👑oumaima mega👑
🎭275🎭

ضهرو على انعكاساتها هيئة لاس و هي كتوسع عيونها ...ادن كاين في هاد الفيلا اشخاص و كيضهر عليه من لي ساكنين هنا ...رسمت ابتسامة بريئة ليه و ناضت من مكانها و استدارت و وقفت و هي ضامة يدها بمنتهى الادب و الرقي ...لاس انقضت حواجبو و هو كيقتارب منها ببطء و زاح بالهاتف ديالو على ودنو و ضغط على زر فصل الخط .... اكيد الحاجة لي تبادرت لادهانو و عينيه خارجين فيها هي شنو كدير بنت الريكس هنا بالضبط
وئام بنفس الابتسامة هزات يدها بشوية و بصوت بريئ : سلاام .... زاد من حدة التخنزيرة فيها و بلاما يرد عليها زاح بعينو و استدار عاطيها بضهرو ...وئام نزلت الابتسامة وهي كتلقا صد مباشر من عند هاد الشخص الغريب بالنسبة ليها و رجعت هبطت يديها و عضت شفايفها و الخجل طغى عليها و هزت يدها غير كتداعب انفها دليل على خجلها و رجعت دارت جلست في مكانها ...و ضمات يدها عندها وقلبها الصغير نقابض عليها من هاد المعاملة لغير لائقة بالمكانة ديالها حيت عمرها تعرضت لموقف فحال هادا باعتبارها بنت الملك هو بكل بساطة همشها حسسها انها فحالا مكيناش او بدون اهمية تما ....لاس دخل في وحد من الممرات و معجبوش وجودها  ...طلع المعصم ديالو لي كانت فيه ساعة عادية و ضغط على احد ازرارها ربط الاتصال بالاركس باش يلقا الموقع ديالو

بخصوص الاركس فهو كان كيتمشى في احد الممرات المتشابهة لي كانت بالكري و ابوابها متباعدة بالاسود مشكلة مزيج منظم ...و الاركس خاشي يدو في جيابو و كيتمشى خاصو ياخدها للشي غرفة بعيدة على غرفو المشبوهة دارو فحال ديك الارض لي فيها الغام و كيعرفهم غير السيد لي واضعهم تما ...حرك عينو للاحد الابواب لمغلقة لي عمرو استعملو و حواجبو منقضة توجه ليه و طلع يدو للقبضة الباب و فتحو و دخل ليه كيحول عينو بشكل بطيئ في الارجاء ...كان عبارة على مكتب جد عادي و كبير داخل ضمن التنظيم الاسود ديال الدار و حائطو من زجاج كيطل على الادغال و الاشجار ...و الجبل المنخفض الاسود ....فيه بيرو بالكرسي ديالو و بشكل بعيد عليه جلسة ديال لي فوطوي بدان اسود .....و ثماتيل راه في كل بلاصة معتامدين طريقة تنظيم الاغريقية القديمة ....كان كيتفحص المكتب بعينو باش مايكون فيه حتى خطأ ...حتى اهتزت الساعة الرجولية لي في معصمو ...نزل راسو كيشوف فيها كيلقا لاس كيطلب الموقع لي هو فيه و رد عليه بنفس الزر

في احد الشقق الفاخرة لي في وحد العمارة بالقرب من الميناء ...لي كانت في اعلى العمارة مكتاسحة العرض ديالها بالكامل ...كانت خاصة بالمصون عيسى مربي الاجيال واقف في مصعد العمارة و محوط يدو على عنق وثب هاد الصغير لي داير يدو في جيابو ...حتى وقف المصعد و تفتح على الشقة مباشرة لي كانت فحال وحدة من شقق نيويورك باثاتها العصري و مخلط بالثقليدي شوية ...و كانت واقفة بعيد شوية ...امرءة من لباسها باينة امرءة اعمال شعرها مخلط بخييطات زعرين و قدامها جوج ولاد متفاوتين في الطول و منزلين راسهم و جالسة كتوبخ فيهم : شنو هادشي لي درتو كنقوليكم شحال من مرة مدابزوش في المدرسة و من الفوق كتحماو و نتاا راك هو الكبيير ومول العقل زعمااا
عيسى كيتمشى للجيهتهم : حبي لمياء شنو واقع تاني يكما كحلوها في المدرسة عوتاني ...وثب كيبتاسم ليهم في الاصل كيعرفهم ....لمياء و الدراري بجوج دارو للعندو فاش سمعو صوتو