💀هوسي بإبنة عدوي 2 💀
👑oumaima mega👑
🎭18🎭
في القصر الريكس ....وئام مطرطقة عينيها في الواجبات ديالها كتخدم فيهم فوق المكتب بزربة باش تلقا الوقت فين تجهز راسها و كتكتب بسرعة كين شي أسئلة معرفاتهمش مكيهمش عاودت كتبت سؤال و كملت معندهاش الوقت فين تفكر او تبقا تقلب ....كوثر مرة مرة كتجي للعندها كطل عليها و كتمشي تنزل بزربة للعند وفاء لي جالسة في الاسفل و دايرا رجل على رجل و كتسمع اخبارها بابتسامة جانبية ....من بعد ساعات قليلة و آخيرا سلات ...ناضت بزربة من المكتب و لاحت القلم ديالها و مشات كتجري للدريسينغ ديالها باش تختار لباسها بفرحة على الوجه ديالها
في القصر ديال الظل .....كانت روز كتلعب الشيطرنج مع نزار في الصالة الخاصة بالقصر... و كيخليها تربح باش تكسب القوة و الثقة في نفسها واخا خوات ليه جيوبو بسباب الريهانات المالية ....حطت الكيش ملك الاخير
روز ربعت يديها بابتسامة كتشوف في نزار كتقلد الام ديالها في الهضرة : شنو هادشي ا مستر باركر ؟
نزار رافع حاجبو بابتسامة خفيفة : هادشي متوقع من انسة روز باركر ... سمعو وقع أقدام في الخارج و استدارو على اثرها
دفنة دخلت للعندهم بشكل مثير و هي فاتحة ملامحها : اووو كنعتادر تعطلت بزاف
نزار دار للعند روز بابتسامة : دابا جات دفنة غادي انستأدن من روزي ....و هز يدها و باسها ليها و روز موسعة ابتسامتها ....و ناض استدار للعند دفنة داير في شفايفو ابتسامة منحرفة ....و دفنة صغرت فيه عينيها بشك ...وهو اقتارب منها و شد الخصر ديالها و جابها للعندو للصقها للعندو و هي تفتح عينيها و ضحكت و حطات يديها على الخدين ديالو و ميلت راسها و بداو كيتبادلو للقبل في عين المكان ...و روز شافتهم بابتسامة في الاصل معتادة على الامر نزلت راسها كتلعب باحجار الشطرنج
نزار حيد منها و كيشوف فيها : عندي ليك مفاجاأة في ليل و لكن حتى نجي
دفنة بابتسامة : ههه امم عارفة مفاجئاتك امسيو نزار
في القصر ديال الريكس ....تفتح المصعد الخاص بوئام و خرجت منو هاد المراهقة الجميلة كاملة الاوصاف بسايا قصيرة بزاف و الخصر ديالها عاري و شعر مكريبي و مكياج ليلي و طالون عالي ...و كتمشى بابتسامة حتى وصلت قدام وفاء لي جالسة و كتشرب في الكافي ديالها طلعت عينيها فيهاوئام بابتسامة كدير استعراض ليها : كيف جييتك ؟
وفاء نزلت عينيها معاها : ماشي قصير بزاف الى غير تحنيتي غادي يبان كلشي
وئام دارت عندها بابتسامة جانبية وبتعجرف : اوو هه شكون لي غادي يتحنى ا وفاء انا ؟
وفاء هزات حواجبها : اووو كنعتادر نسيت معرفتش راسي معامن كنهضر(ناضت من المكان ديالها ) يلاه غادي تمشي دابا مع 12 غادي ترجعي....و وقفت قدامها كتمسح ليها على شعرها بابتسامة
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
