💀هوسي بإبنة عدوي 2 💀
👑oumaima mega👑
🎭486🎭
الكارد : مسيو وعد واش تبغي نجي نسوق في بلاصتك ؟
وعد بمنتهى البرودة و الهدوء : لا ...و قطع الاتصال بكبسة زر .... الكارد ماعندو الا يمتاثل لأوامر ديالو ...واخا كيشوفو طموبيل متبتاش قدامهم كتميل مع الطريق....وعد كان كيشوف في طريق خاصو يفرغ هاد الاحاسيس و هاد الغضب و هاد الشهوة لي كيحس بيها ... بلاصة وحدة لي غادي يقدر يفرغ فيها هادشي كلو و هي لي خاصو يمشي ليها ...عفط على لفران باش يمشي بسرعة
نرجعو للحفل لي كيتعزف فيه الكمان بلحن هادئ حميمي.... و الرومانسية الفرنسية كتحكي على رجل شد بين يدو هوسووو ....اصلان طلع وئام باحتكاك معاه و حاكمها من ضهرها حتى ولات طالعة على صباع رجليها وسط حدائو الاسود غير باش توازي طولوو ...وهو كيشوفها كيف كترمش بعينيها الفيروزية المرسومة بابداع .... و فحال شي حد سكر من نبيد الهوس و هو كيشوف في ملامحها ...نزل عينو كيشوف في بياض لحمها و اكتافها و صدرها و كيف لائمو اللون الاحمر ... بوحد الشكل مثالي و مغري لرجل فحالو كيعشق الجمال و التحف الفنية
رجع كيشوف فيها بانظار سكيرة و لأول مرة بدا كيعبث في كلمات الغزل بصوت من فحيح : عمري شفتك بهاد لون الحمر ....و يدو واخدة راحتها في ضهرها ملعبو الجميل
وئام وسعت عيونها في عينو الخضراء الداكنة لي كتحكي من عشقو ليها الكثير و بشفايفها الحمراء نطقت : ءءء؟ ح حيت ك كنكون في السكول (و كتشوفو كيحرك عينو من عينيها لفمها بتدريج كيخليها تلعتم في الكلمات ) و و وم مكنقدرش نلبسو
اصلان رجع عينو في عينيها و في وجهو شبح بشاشة محدوفة من شفايفو : فاش تكوني معايا مرة اخرى لبسيه ....و هو شادها بيد وحدة و يدو الثانية كتلعب في شعرها الاشقر
وئام هزات حواجبها بفضول : و و وعلاش ؟
اصلان زاد قرب منها بحميمة اكثر : حيت جاك زوين بزاف..... وئام خفق قلبها بنبض خاطف اول مرة كتسمع غزلو كانت قبلاتو دائما جافة من كلمات الغزل زاد نزل لعند خدها المرمري الرطب حط فيه نيفو و فمو ملمسهم ناعم بزاف ...وئام بدات كتسلب روحها من كيانها ولا تنفسها رهين بين يدو ...و عيونها كيتغمضو و تناسات ان كاين في هاد الحفل بابها و ماماها ....كان الحفل كيشووف في منصة الرقص و كاين من الناس لي انتابه لحميمية ديالهم ...حيت هما الوحدين لي كانو في حالة حب ...ضاهر ...كانو من الصائدين لي حاطين عينيهم على الشقراء لي عرفوها جات مع باباها و ماماها ...كيتعجبو من هاد الحميمية ...هو جا في اواخر الحفل و خداها للرقص و تقرب منها لهاد الدرجة ... و النساء لي منساوهمش و هما حاملين كؤوسهم ... كانو اغلبهم نساء في الثلاتين ... سلب قلوبهم برومانسيتو كيفما سلب قلب الصغيرة لي في يدو و لكن الاسوء من هادشي كانو لي كارد ديال الريكس حتى هما كيراقبو المكان و عيونهم فحال الدئاب لمحوه بين يدو صغيرة الريكس
آصلان كيشتم في ريحة لي في خدها و هو كيهضر و عينو كتلمح رموشها : bloody hell (جحيم دموي =بحق الجحيم ) هاد الريحة غتكون نهايتي ...و نزل من حنكها لرقبتها كيستنشق من رائحتها موتو كيف قال ...و جسدها الصغير كيتناخد من هاد الرومانسية لي كتدوخ حتى اقوى النساء ..عاد مراهقة فحالها
YOU ARE READING
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
