(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا )
#ملخص
لاعبها في المهد و هو خطيب والدتها ....و اقسم هلى تبني...
الكارد نزل راسو كيقلب على اسم مايا روتشيلد بين قائمة الحضور ...حتى لقاه و رجع فيها نظرو : ممكن تحيدي الماسك مايا تبسمت بوحد الهدوء و لياقة : اكييد ...و بكل ثقة نزلاتو من وجهها كانت سيدة في قمة الجمال و الانوثة و القوة ...الكارد حرك عينو لكارد الثاني لي تحقق من اسمها و صورتها و هويتها في الطابليط ديالو ...عاد سمحو ليها تدخل مايا رجعت القناع للوجهها : شكرا ...و كملت طريقها داخلة الحفل و الحداء ديالها كيتسمع صوتو الانوثي
في القصر ديال الريكس ...كانت دفنة جالسة برجل على رجل و شادا تيليفون في يدها و على يمينها وثب و يسارها روز ...و كيتفرجو في فيديو ..ديال التدريبات العسكرية ...كان وثب كيشوف في الامر باهتمام على عكس روز لي مخرجة عينيها بصدمة وثب : واو حركات زوينة بزاف و لكن واش غتقدر روز دير فحالهم روز طلعت عيينيها في ماماها و حركت ليها راسها بالنفي دفنة : ههه دابا لا حيت هي باقا ضعيفة ولكن مع التدريبات بزاف غتكتاسب لقوة ديالها وغتولي تقن هاد لحركات بسهولة روز : و لكن انا مزال ماقررت واش غندخل ولا ولا دفنة تبسمت ليها : خودي راحتك ابنتيي في لاخير غيكون غير داكشي لي بغيتي نهار لي تكوني مستعدة قوليها ليا...و رجعو يكملو الفيديو حتى قاطعهم صوت رجولي مؤلوف : دفنة ....طلعو رؤوسها بثلاتة ...دفنة هزت حواجبها و وثب دار ابتسامة جانبية ...اما روز فحلت عيونها لي فحال المرايا و حلت معاهم شفايفها ....كان وعد متوجه لعندهم و لباسو ليلي بامتياز الاسود في الاسود و فوق من اكتافو مونطو فخم عطاه هيبة و كريزما و عاد شعرو الاسود المصفف بطريقة مضبوطة ...و البرفان ديالو الخاص الفرنسي كيفوح في المكان دفنة ناضت عندو : اووو وعد شنو هاد الشياكة كلها (وقفت قدامو كتبان اقصر و ربعت يدها و صغرت عينيها ) فين غادي ؟ وعد بابتسامة خفيفة : غادي نخرج دابا الشرطية دفنة رفعت حاجبها غدير ليه استنطاق باش تضمن مكانة بنتها : امممم و معامن ؟ وعد : غير مع صحابي دفنة : اوووو مزيان استمتع بوقتك وعد : شكرا ...و حول عينو للوثب عطاه السلام بيدو و شاف في روزي لي عينيها محيدوش منو ...غير سارحة فيه ... مع قلب كينبض ...دفنة لاحظت نظرات وعد لروزي كأنها بداية مزيانة خلاتها تختم الامر بابتسامة جانبية ...و وعد دار عندها و استأدن و انساحب من تما ....عاد رجعت دفنة لموضعها بيناتهم دفنة : اوووو نسيييت (روزي كانت متبعة وعد بعينيها عاد رجعتها لدفنة ) قاليا نزار نوجد راسي حيت غنمشيو لشي بلاصة و دابا قرب يجي روز : كنظن مزال الوقت تقدري توجدي راسك دفنة : بصح نخليكم دابا ففف نسييتو ...و ناضت من تما كتمشا بزربة و وثب شد التيليفون : نكملو حنا الفيديو ...روز رجعت عينيها معاه باش تفرج تهيا
Oops! This image does not follow our content guidelines. To continue publishing, please remove it or upload a different image.
