ထည်ဝါတဲ့ တိုင်လုံးတွေနဲ့ ခန်းမဆောင်ဟာ ကျွန်တော် မြင်ဖူးသမျှထဲမှာအခန်းနားဆုံးပဲ!
ကြီးမားတဲ့ တံခါးမုတ်ပေါက်ဝမှာ ရပ်နေတဲ့ Tenri ရဲ့ကျောပြင်နောက်ကနေ တစွန်းတစ လှမ်းမြင်ရတဲ့ ခန်းမဆောင်ထဲမှာ အရောင်အသွေးမတူတဲ့ ပိုးဖဲ ကီမိုနိုတွေ ဝတ်ဆင်ထားတဲ့ ပုံစံအမျိုးမျိုးကွဲပြားတဲ့ Kami sama (god) တွေကို တွေ့ရသည်!
ခန်းမဆောင်ထဲမှာ ရာထူးအလိုက် အဆင့်အလိုက် နေရာအသီးသီးမှာ နေရာယူထားတဲ့ Kami sama တွေရဲ့ အရှိန်အဝါကြောင့် သာမန်လူသားဖြစ်တဲ့ ကျွန်တော့် အနေနဲ့ မှေးမိန်ကွယ်ပျောက်သွားလု မတတ် ခံစားနေရသည်!
အလယ်လျှောက်လမ်းဆီအကြည့်အရောက်မှာ ကျွန်တော် နှလုံးသားက လျင်မြန်စွာ ခုန်ပေါက်လာတယ်!
အပြာနုရောင် ကီမိုနို ၊ ငွေမှင်ရောင် ဆံနွယ်ရှည်တွေနဲ့ Kokonoe sama ဟာ အမြဲတစေ ခန့်ညားထည်ဝါနေဆဲပဲ!
ကျွန်တော့်မျက်လုံးတွေ Kokonoe sama ရဲ့ သူငယ်အိမ်ကျဉ်းရှည်ရှည် အပြာနုရောင်မျက်ဝန်းတွေနဲ့ ဆုံတွေ့တဲ့တခဏ Kokonoe sama ရဲ့ မျက်ခုံးတွေ တွန့်ကွေးသွားတယ်!
သံစဉ်မကျခုန်နေတဲ့ ကျွန်တော့် နှလုံးက လန့်ဖြန့်ခုန်ပေါက်ထွက်တော့မလိုဖြစ်လာသည်!
**Kokonoe sama တောင်းပန်ပါတယ် ! ကျွန်တော် ဒီတိုင်းဘာမှ မသိလိုက်ပဲ Kokonoe sama ပျောက်ကွယ်သွားမှာမျိုးတော့ မခံချင်ဘူး**
မျက်လွှာချရင်း ရေရွတ်မိတဲ့ စိတ်တွင်းစကားကို Kokonoe sama ကြားစေချင်မိသည်!
"ညီလာခံမှာ ငါကိုယ်တော့်အမိန့်ကို ကြားဖျက်ဝင်ရောက် ဆီးတားတဲ့ အတင့်ရဲတဲ့သူဟာ ဘယ်သူလည်း????"
ံသြဇာနဲ့ ပြည့်စုံတဲ့ အသံလာရာဆီ ကျွန်တော် မဝင့်မရဲ လှမ်းကြည့်မိတော့ ခန်းမဆောင်အလယ်က အမြင့်ဆုံးနေရာမှာထိုင်နေတဲ့ ရွှေဝါရောင်ဝတ်ရုံနဲ့ သူကို လှမ်းမြင်ရသည်!
YOU ARE READING
Unbreakable ( Unicode Version )
FanfictionThis is a cruse anymore but.....our love is unbreakable! The sequel of Love Legend! This story is my own story please enjoy~^ ^