Against the Waves (THE PRESTIGE 1)

08

Memories

He has now a girlfriend.

I felt something heavy on my chest. It's very disturbing. Gagi, baka lumalaki lang ang boobs ko 'no?

Binagabag ako ng nararamdaman ko kahit pa noong sumunod na araw. May bago na pala, bakit niya pa ako kinukulit? Bakit pa siya nakiusap na i-date ko siya?

Ang dami kong gustong itanong sa kaniya. Hindi ko alam kung paano ko sisimulan o magkakaroon pa ba ako ng pagkakataon. Kaya ang ending, ako ang huling pumasok sa aming tatlo. Mabuti na lamang at huling klase na bukas kaya ayos lang na mahuli sa pagpasok.

As for me and Eka, ngayon kasi ang huling klase namin dahil magiging abala na kami sa pagsasaayos ng C-Gym kinabukasan para sa Special Christmas Celebration. Hindi kami mahilig sa sayawang party na ganoon kaya hindi kami aattend. Hindi ko alam kay Eka bakit hindi na lang kami nagsabay pumasok since maghapon kaming tutulong sa pag-aayos ng C-Gym.

May mga mangilan ngilan na ring faculty members at member ng Art Society ang nagsisimula nang magtrabaho. Inilabas na rin nila ang naglalakihang speaker at inilagay iyon sa gilid.

"Layana, favor naman oh."

Lumapit ako kay Tessa, ka-org ko. "Ano 'yon?"

"Mukhang hindi ata makakaattend 'yong mag-aayos ng bulaklak. Sabi naman ni Sir Robredo ikaw daw ang nakatoka sa flower arrangments in case na magkulang ng man power e. Ok lang ba kung ikaw na muna ang magmanage?"

"Really? Sure, sure I am more than willing," excited kong sabi.

Iminuwestra niya ako palabas ng C-Gym. Nakapatong sa wooden table ang mga bungkos ng bulaklak. Sa ibaba naman ay may mga basket at foam para siguro sa flower arrangement.

"Ikaw na ang bahala ah? Tiwala naman ako sayo," saad ni Tessa.

Masaya kong sinimulan ang pag-a-arrange ng mga bulaklak. Gustong gusto ko talaga ang flower arrangements. Dati pa man ay ito na ang part time ko. Malapit lang din kasi ang bahay namin sa farm kaya minabuti ko nang ilaan ang oras ko doon kaysa tumunganga lang. Ngayon ko lang din napagtanto na ilang araw din akong nahinto sa gawaing 'to. Siguro ay mas mag-f-focus ako sa sembreak.

"Good morning."

Nag-angat ako ng tingin sa harapan ko. Bumungad sa akin iyong taong sinakop ang isipan ko. Nakasuot siya ng simpleng navy blue shirt at faded jeans. May suot na itim na sumbrero at ang shades ay nakapatong doon.

"I'm taking you some pictures...part of documentation," paliwanang ni River.

Nairapan ko ito. Nakita ko ang pagbaba niya sa camerang hawak at kunoot noo akong tinignan.

Muli akong napasulyap sa braso niya at ganoon din naman siya.

Diyan. Diyan siya hinawakan ng babae. Hindi ko alam kung bakit ganito ang nararamdaman ko. Alam kong inamin ko sa sarili ko na may epekto pa rin siya sa akin at baka nga gusto ko pa rin siya. Pero nakakainis dahil kung kailan naaamin ko na iyon sa sarili ko ay saka ko malalaman na may girlfriend na siya.

I rolled my eyes again.

"You keep on rolling your eyes. What's our problem? Did I do something wrong again?" Sa sobrang pagkarahan ng pagkakatanong niya ay nanlambot ang tuhod ko.

Hindi ko pa rin siya pinansin at pinagpatuloy na lang ang ginagawa ko. 

"What's our problem?" masuyo niyang tanong pagkatapos ay hinawakan ang siko ko.

Hinawi ko iyon at pilit na nagpokus sa pag-aayos ng bulaklak kahit na ang kalahati na ng atensyon ko ay nasa lalaking kausap. I refused to look back at him. It'll just remind me that for the second time...we can't be together—that I lose him again before we could even start.