Heart-searching 💗
Part-8
Chanyeol အိမ်ရဲ့ ခြံဝင်းလေးက ခပ်ကျယ်ကျယ်။
စားပွဲဝိုင်းလေးကို ခြံရံကာ ခုံလေး သုံးခုံလောက် ချထားသေးတာကြောင့် Chanyeol က ထိုခုံလေးတစ်ခုံမှာ ဝင်ထိုင်နေ၏။ ညက မိုးရွာပေမယ့်လည်း ဒီမနက်တော့ နေထွက်လာတာကြောင့် ခုံက အစိုဓာတ်နည်းနည်းသာ ကျန်ရစ်သည်။
ထိုင်နေရင်း အကြည့်တို့က ဘယ်ဘက်လက်သူကြွယ်ရှိ လက်စွပ်ထံသို့ ရောက်သွားတဲ့အခါ ရှုပ်ထွေးနေတဲ့ စိတ်ကနေ မှားနေပြီဆိုတဲ့ အသိတို့ ဝင်လာ၏။ တစ်ဖန် Inn Na ကို အားနာလာရပြန်တယ်။ အကြောင်းမဲ့သက်သက် အားနာလာရတာ မဟုတ်ပဲ မနက်မိုးလင်းတည်းက ကိုယ့်အတွေးတွေထဲ နေရာယူထားတဲ့ တစ်စုံတစ်ယောက်ကြောင့်ဆိုတာ ကိုယ်အသိဆုံး။
" Chan.... မနက်စာ စားမယ်လေ "
အသံလာရာ လှည့်ကြည့်လိုက်တော့ Inn Na က အခုမှ အိပ်ယာနိုးလို့ မျက်နှာသစ်လာပုံ။ ခြံထဲဆင်းလာပြီး မနက်စာစားဖို့ လာခေါ်၏။
" Chan....နေမကောင်းဘူးလား ! ဘာတွေတွေးနေတာလဲ "
" နေကောင်းပါတယ် "
ကျွန်တော်မထသေးတာကြောင့် သူက မျက်နှာချင်းဆိုင် ခုံလေးမှာ ဝင်ထိုင်သည်။ ထို့နောက် ကျွန်တော့်ကို ပြုံးပြီးကြည့်လာကာ....
" ဖေဖေတို့က Inn Na တို့ကို စေ့စပ်ဖို့ပြင်ခိုင်းနေပြီ Chan , ဘယ်တော့လောက် လုပ်ကြမလဲဟင် "
ပြောလိုက်တော့ အကြည့်တွေ ငိုက်ကျသွားတဲ့ Chan က Inn Na ရင်ထဲကို မြင်ပုံမပေါ်ဘူး။ မနေ့ညတည်းက နေရာယူနေတဲ့ ပူပန်မှုတွေကို အပြုံးတုတွေနဲ့ ဖုံးကွယ်ထားရတာ ပင်ပန်းတယ် Chan ရယ်......
" အရမ်း စောနေသလားလို့.... Inn Na , ငါတို့လည်း ငယ်သေးတာပဲ "
" ငယ်သေးလို့ စေ့စပ်ထားတာပေါ့ Chan ရဲ့ , မငယ်တော့တဲ့အရွယ်ဆို လက်ထပ်လိုက်ရုံကို "
စနောက်သလိုလေး ပြောလိုက်တော့ အသက်မပါတဲ့ အပြုံးနဲ့သာ တုန့်ပြန်လာ၏။
မနေ့တနေ့ကအထိ ငါက နင့်ကိုပဲ လက်ထပ်မှာပါလို့ ပြောတတ်တဲ့ Chan က ဒီမနက်ကျတော့ တွေဝေနေလိုက်တာ....
အရင်အပတ်တွေကအထိ ကိုယ်လာအိပ်တဲ့ နေ့တွေဆို ညဘက်တွေ မရိုးအောင် လျှောက်သွားဖို့ ခေါ်တတ်တဲ့ Chan က ဒီရက်ပိုင်း ကိုယ် သူ့အိမ်မှာ ရှိတယ်ဆိုတာရော သတိရသေးရဲ့လား။
တွဲလာတဲ့ နှစ်နှစ်ဆိုတာကလည်း ကိုယ့်ဘက်က နီးစပ်အောင် အမျိုးမျိုး ကြိုးစားနေလို့သာ အများက အားကျနေရတဲ့ အတွဲရယ်လို့ ဖြစ်နေတာ
