Heart-searching 💗
Part-16
ဆေးရုံခန်းထဲက ဆေးနံ့တွေကို စိမ်းသက်သက်ဖြစ်ပေမယ့် အမေ တစ်ယောက်လုံး မကျန်းမမာဖြစ်နေတော့လည်း မမှုနိုင်။ ဒီနေ့ခင်းတော့ အမေ့ဆီ လာဖြစ်တယ်။
ကုတင်ခေါင်းရင်းကို ခပ်မြင့်မြင့်လေး ထားပေးကာ ထိုင်စေတော့ ကျွန်တော်လုပ်သမျှ လိုက်ကြည့်နေ၏။" သက်သာတယ်မဟုတ်လား အမေ "
" အင်း.... ဒီနေ့တော့ နေလို့ကောင်းပါတယ် "
" ဆေးရုံက နောက်အပတ်လောက်ထိ နေရဦးမယ်ပြောတယ် , ပြန်ချင်နေပြီလား "
အမေလည်း ဆေးရုံဆေးခန်း မုန်းတဲ့သူမို့ အကြောင်းသိစွာ စနောက်လေတော့ ခပ်ပြုံးပြုံးလေး တုန့်ပြန်တယ်။
" ဒါနဲ့ မနေ့က Inn Na ဖုန်းဆက်တယ် သား , ဒီနေ့ လာမလို့တဲ့ "
" ဗျာ.... Inn Na က ဒီနေ့လာမယ် ? "
" အင်းလေ , အရမ်းလိမ္မာတဲ့ မိန်းကလေးပါကွယ် , အမေတော့ သားကောင်မလေးကို သိပ်သဘောကျတာပဲ "
ပြုံးပြီးပြောနေတဲ့ အမေ့စကားတွေနောက် ငြိမ်ကျသွားရတာက ကိုယ်တိုင်ပါပဲ။ အရင် အမေနဲ့ ကိုယ်နဲ့ အဆက်အသွယ် နည်းစဉ်အခါတည်းက Inn Na က အမေနဲ့ အဆက်အသွယ်ရှိပုံပဲ။ ငယ်ငယ်တည်းက မိဘချင်းလည်း ရင်းနှီးပြီးသားမို့ Inn Na နဲ့ အမေက မစိမ်းတာ ကိုယ် သိတယ်။ အခု သူလာမယ့်အကြောင်း အမေ့ဆီပဲ ဆက်သွယ်ထားတာကလည်း ထူးဆန်းတာတော့ မဟုတ်ပြန်ဘူး။
ကိုယ်ကပဲ မနှစ်မြို့တာဖြစ်မယ်ထင်ပါတယ်....
စကားပြောနေရင်း ခဏကြာတဲ့အခါ အခန်းတံခါးခေါက်သံ ကြားလိုက်ရ၏။ လှည့်ကြည့်မိတော့ အခန်းထဲ ဝင်လာတာက Inn Na...
ကျွန်တော်ထိုင်နေတာမြင်တော့ ကြောင်တောင်တောင် ဖြစ်သွားရာက ပြန်တော့ပြုံးပြလာပါတယ်။" အမေ သမီးရောက်ပြီ "
" လာပြီလား သမီး.... အလုပ်ကိစ္စရော အဆင်ပြေရဲ့လား "
" ဟုတ် ပြေတယ် အမေ , ပြီးတာနဲ့ အမေ့ဆီ တန်းလာခဲ့တာ.... "
အခုချိန်ထိ Inn Na ကျွန်တော့်ကို စကားမပြောသလို ကျွန်တော်ကလည်း ငဲ့မကြည့်ဖြစ်ဘူး။ သူဖုန်းဆက်ရင်တောင် ကိုယ် မကိုင်ခဲ့တာ များလာတော့ ဒီရက်ပိုင်း သူ ကိုယ့်ဆီ မဆက်သွယ်တော့ဘူး။ မှတ်ထားတာလည်း မဟုတ်တာကြောင့် သူနဲ့ကိုယ် မဆက်သွယ်ဖြစ်တာ ၃ ရက်လား ၄ ရက်လားတောင် သေချာမသိဘူး။
အရောင်မှိန်လာတဲ့ သစ္စာတရားတွေရဲ့ နောက်မှာ လစ်ဟင်းမှုတွေ ကပ်ပါလာတော့တာပါပဲ။
![](https://img.wattpad.com/cover/232464329-288-k291652.jpg)