ليتني ما عشقتك ( بقلم يارا عصام)

الجزء الثاني

طارق بحده : ازاي حضرتك تبعتي التصميم وهو مش كامل اصلا ، لا واللي معمول تقريبا غلط ده لو اتنفذ منه الشقه هتخسرينا العميل

رهف بدهشه : ازاي يعني انا مخلصه التصميم كله و واثقه انه صح زي ما طلب

مد يده اليها بالملف قائلا بسخريه : اتفضلي شوفي بنفسك

اخذت منه الملف و نظرت اليه و ارتسمت الصدمه علي وجهها حين راته التفتت اليه قائله بغضب : لا التصميم ده مش بتاعي

طارق بحده : ازاي يعني وهو مكتوب عليه اسمك

قطبت جبينها وهتفت بدهشه: معرفش ده اكيد اتبدل انا مكنتش ماسكه الجزء ده اصلا ده الجزء بتاع باشمهندسه رقيه

هتف طارق بغضب: بس انا اللي استلمته منك و مضيتي عليه قدامي يبقي ازاي مش بتاعك

رهف بعصبيه :وانا بقول لحضرتك انه مش بتاعي ، انا نزلت الكافتيريا و سبت الملف اكيد حد بدله

ثم خطر علي بالها ان تكون رقيه هي من بدلته نظرت له قائله : ممكن اشوف التصميم التاني بتاع رقيه

تناولت من يده الملف و نظرت اليه تجمدت من الصدمه عندما ادركت انه الملف الخاص بها و تاكدت ان رقيه هي من بدلته
التفتت اليه قائله بثقه : التصميم ده بتاعي انا و انا متاكده من كلامي

تنهد طارق وقال : وايه الدليل ان هو بتاعك معاكي نسخه منه

رهف بحزن وقد امتلأت الدموع في عينيها : للأسف ملحقتش اعمل نسخه 3d علي اللاب كنت هعمله وقت التنفيذ

تمزق قلبه حين راي الدموع في عينيها قال بندم : انا عارف ان اتعصبت عليكي بس انا اتفاجأت لما شوفت الملف متوقعتش منك كده لان عارف انك شاطره في شغلك
ثم اكمل بهدوء وهو يتنهد بقوه : مش هقدر اتهمها من غير دليل مفيش قدامك غير انك تعيدي التصميم من الاول معاكي فرصه يومين تخلصي فيهم

رهف بخيبه امل : تمام عن اذن حضرتك نهضت لتغادر لكن اوقفها بصوته مناديا لها : استني يا باشمهندسه

التفتت اليه وقالت : نعم ! في حاجه تاني

تنحنح قليلا وقال بتردد : انا ممكن اساعدك فيه لو تحبي يعني

هزت رأسها بالنفي وابتسمت بضعف وقالت : شكرا لذوق حضرتك ، انا هاخد اجازه بكره واخلصه

بادلها الابتسامه وهو يقول : كده احسن بدل ما تتعبي نفسك

عن اذن حضرتك غادرت الغرفه و ركضت بغضب الي مكتبها و فتحت الباب فجاءه مما افزع كلا من رقيه و سالي

رقيه بغضب : ايه الهمجيه ده في حد يدخل كده خضتينا

سارت نحوها و وقفت امام مكتبها و قالت بلوم : ليه عملتي كده انا عملتك ايه لكل ده