ليتني ما عشقتك ( بقلم يارا عصام)

الجزء العاشر

اتسعت عينيها في ذهول تردد بداخلها كيف يقول ذلك ،فاقت من شرودها علي قبضه مازن بقميص كرم

مازن وهو يجز علي أسنانه و عينيه تطلق شراره: سمعني انت قولت ايه تاني كده

حاولت ليلى ابتعاده عن كرم لكنها فشلت

نزع كرم يد مازن من قميصه وقال بغضب : خاطبها و مش هسمحلك تقرب منها تاني

ضحك مازن بسخريه قائلا: طيب مش قبل ما تخطبها تستني المدام تلات شهور بعد الطلاق ولا هي ما قالتلكش انها متجوزة

وقعت كلمه متجوزه علي كرم كالجبل فأنصدم كثيرا فنظر لها نظره رجاء كأنه يطلب منها تكذيب هذا الكلام

بكت ليلي بشده و ركضت مسرعه الي الخارج
فلحقها مازن ليجدها تركب تاكسي .. ركب سيارته و اتجه للفيلا
وصلت ليلي و ركضت للداخل و فور ان وجدت صفاء ارتمت في احضانها وانهارت في البكاء

صفاء بخوف : في ايه ليلي بتعيطي كده ليه يا حبيبتي

ابتعدت ليلي وقالت ببكاء شديد : مازن فضحني في الكليه يا خالتو

شهقت بصدمه : عمل ايه ف

قاطعها صوت مازن الجهوري وهو يصيح بغضب : ليييلللي

انتفضت صفاء و ليلي من صوته فقالت صفاء بحدة : انت عملتلها ايه خليتها بتعيط كده

مازن بغضب : الهانم بتروح الكليه تحب و تصاحب و مفهمانا انها بتتعلم و عاملانا مغفلين

صفاء بصياح : اخرررس يا مازن ايه اتجننت، اياك تجيب سيرتها علي لسانك تاني

ليلي بمراره بين بكائها : انا مستحيل اعيش معاك في بيت واحد بعد انهارده .. لازم امشي

صفاء وهي تمسكها من ذراعها بغضب : تمشي تروحي فين ، انسي الكلام ده خالص ، ده بيتك انتي اللي تقعدي وهو اللي يمشي

ثم نظرت لمازن وقالت بصرامه: انا غلطت ان جوزتهالك هي متستهلش واحد زيك ...... طلقها يا مازن

وقعت الكلمه علي مازن و ليلي كالصاعقه فاتسعت عينيه في ذهول احس بان شي ما انقبض علي صدره حين سمع كلمه طلاق

ابتلع ريقه بصعوبه وقال بصوت مضطرب : اطلق مين ايه اللي بتقولي ده
ثم اكمل بعنف : لتكونوا متفقين سوا و عايزه تجوزيها الدكتور بتاعها

مسحت ليلي دموعها و وقفت امامه قائله بحزم : انت مش محترم... طلقني يا مازن و كفايه لحد كده

امسكها من ذراعها بقوة وقال بتحذير: ده بعدك يا ليلي عايز تطلقي عشان تروحيله ... مفيش خروج من البيت ده نهائي 

صرخت صفاء في وجهه و سحبت يدها من يده : الظاهر ان معرفتش اربيك ، معاك شهر واحد بس تكون طلقتها

مازن بنبره غير قابله للنقاش: طيب انا طلاق مش هطلق و اللي عندكوا اعملوا

ثم امسك هاتفه و اتصل بالأمن فقال بصرامه : ممنوع خروج استاذه ليلي من البيت حتي لو معاها الهانم الكبيره فاااهم ثم اغلق الخط