ليتني ما عشقتك ( بقلم يارا عصام)

الفصل الثاني عشر

علي بهدوء مخيف: لا مش هنبعت دلوقتي هستني اسعد يوم في حياته و انكد عليه يوم الفرح

نادين بإندهاش: ليه نستني كل ده مش فاهمة

علي بشر : لانها وقتها هتكون الضربه اقوي بكتير من دلوقتي

- وانا مطلوب مني حاجة اعملها الفتره ده

علي بمكر: حاولي تقربي من خطيبته و اوعي تعملي حاجة من غير ما تقوليلي.. وانا هكمل الباقي

نادين بتساؤل: هتعمل ايه

- مش لازم تعرفي دلوقتي لما اخلص هقولك

نادين بتأفف : اوك ... باي
🍀❤🍀🍀
طلبت صفاء من الشغاله ان تنادي مازن فذهبت الي غرفته و اخبرته ، نزل الدرج و دلف الي غرفه المعيشه ليجد والدته و ليلي يجلسان

مازن وهو لا يشعر بالخير من هذه الجلسه : خير يا امي في ايه

صفاء بهدوء : ليلي خلصت امتحانات انهاردة و عدي الشهر اللي قولتلك عليه و مش شايفاك عملت حاجة

مازن ببرود: حاجة ايه اللي عايزاني اعملها

ليلي بإندفاع: انك تطلقني عشان اشوف حياتي بقا

مازن بسخريه: ليه مش قادره علي بعد الدكتور الكام الاسبوع اجازه وعايزاه يخطبك

ليلي بحده :متدخلش في حياتي يا مازن مش هقولهالك تاني

مازن بغضب : لا ادخل براحتي

صفاء التي تتابع حديثهم بسعادة فهي تري غيرة مازن علي ليلي فقالت بصياح: انا كل ما اتكلم معاكوا تتخانقوا ايه مش عاملالي حساب

ليلي : لا طبعا يا خالتو بس هو اللي بيعصبني

نهضت وقالت بحزم: لما تخلصوا خناق هبقا اكلم كل واحد لواحده.. ثم غادرت الغرفه

همت ليلي لتخرج لكن جذبها مازن من خصرها لترتطم بصدره فشهقت بخضه

ليلي وهي تحاول ابعاده : مازن اللي بتعمله ده
اوعي حد يشوفنا

مازن بخبث وهو يحاصرها بذراعيه: ما يشوفنا مش انتي مراتي برضو ولا ايه

ليلي بمراره وحرقه وهي تبكي : مراتك.. بقالنا 3سنين مكتوب كتابنا عمري ما سمعتها منك ولا حسستني بيها لدرجه اني نسيت انك جوزي

احس مازن بالذنب قائلا بندم: عارف ان غلط في حقك وجيت عليكي بس في حاجات اتغيرت صدقيني

- ايه اللي اتغير يا مازن ان بدأت اشوف نفسي و اوافق علي اللي بيتقدملي

مازن بغضب: انتي تنسي كريم بتاعك ده خالص فاهمه

ليلي بإستفزاز: اولا اسمه كرم مش كريم ، ثانيا ملكش دعوه

مازن وهو يجز علي اسنانه : كرم ولا كريم اي زفت مش هتفرق اهم حاجة تشيلي من دماغك انك تبقي لحد غيري انتي هتستهبلي ولا ايه