اتجهت رهف لتفتح الإضاءه لكن سرعان ما حاوط حازم خصرها و ضمها اليه لتشق رهف بخضة و تصرخ
وضع حازم يده علي فمها ليكتم صراخها ثم أشعل شمعه صغيره .. و نزع يده حين رأته
حازم بضحك: هتلمي علينا الناس هيكون مين غيري
رهف وهي تلتقط انفاسها من الخضة: في حد يعمل كده وليه طافي الانوار
حازم بإبتسامة خبيثة: النور قاطع في الشقة
ضيقت عينيها قائله: والله اشمعنا الاوضة منوره .. انت بتضحك عليا
حازم بمشاغبه: ده الكشاف يا رهف متركزيش كده شويه و هتعرفي... اتأخرتي ليه
رهف : انا خرجت بدري بس وانا جاية لارا اتصلت كانت عايزه تروح مشوار
فلاش باك
تسير رهف بسيارتها في اتجاه المنزل
رن هاتفها فالتقطته و اجابت : الو
لارا: وحشتيني يا رهف .. انتي فين
— في الطريق رايحة البيت .. عامله ايه
— الحمدلله .. رهف عايزه اصلح الكاميرا بتاعتي و اشحنها عشان ضروري
رهف بحنق: انتي معندكيش دم مش الاستاذه عندها مذاكره هتعملي ايه بالكاميرا دلوقتي
لارا بحزن مصتنع: انتي ظالماني،انا محتاجة اصلحها عشان أخت صحبتي هتتجوز و عايز تتصور بيها يعني مش عشاني
— قوليلها انها مش شغاله و هي هتتصرف في حاجة غيرها
لارا بتمثيل: اصل هي يتيمه و مش معاها فلوس تدفع تمن تصوير و انا كنت هساعدها
رهف بتأثر: ان كان كده لازم تساعديها طبعا .. مينفعش نخليها بكره عشان حازم تعبان انهاردة و مش عايزه اسيبه لوحده
لارا بلهفه: لا مينفعش انا كلمت ابيه حازم وهو وافق قالي بس كلمي رهف
رهف بإندهاش : ايه ده بجد
— ايوه لو مش مصدقاني اتصلي بيه
رهف ببراءه: لا مصدقاكي اكيد.... اوك انا خمس دقايق و اكون قدام البيت الاقيكي واقفه .. متتاخريش
لارا بحماس: انا واقفه مستنياكي اهو
بعد دقائق صعدت لارا السيارة فور وصول رهف
رهف بتعجب: ده انتي كنتي جاهزه و مستنياني اجي كأنك واثقة ان هوافق علطول
لارا بمرح: عشان واثقة ان اختي حبيبتي مش هترفض تساعد حد محتاج
رهف بضحك : بتعرفي تدخليلي منين اروبه والله
ثم تابعت بفرحة: انا بجد فخورة بيكي عشان عايزه تساعدي الناس.. ربنا يحميكي
لارا بمكر : ربنا يقدرنا علي فعل الخير
وصلوا الي المول ثم دلفوا الي محل تصليح الأجهزه
العامل: هي ايه المشكله اللي في الكاميرا
YOU ARE READING
ليتني ما عشقتك ( بقلم يارا عصام)
Romanceقد تاتيك الطعنه ممن لا تتوقعه او تظنه دائما انه امانك وحمايتك ولا يمكن ان يكسرك ويأذيك ابدا فقدان الثقة في شريكك هو بدايه نهاية العلاقة رهف بنظره مؤلمة قائلا ببكاء : طلقني يا حازم
