فتحت لارا فمها بصدمه نزلت بسرعه من السيارة واتجهت اليهم التفتت لها نجوى بحنق: ليه خرجتي من العربيه
اتسعت عين يحي بصدمه حين راها : هو انتي
لارا بغضب : ايه انتي ده و بعدين انت واقف هنا ليه
منال بتعجب : هو انتو تعرفوا بعض
لارا بإيماء: اه معايا في نفس الكليه بس معرفه سودا
وكزتها نجوى بغضب في كتفها حتى تصمت و هتفت بحرج : انا اسفه يا منال والله هي لارا كدا بتحب تهزر
يحي بغضب و سخريه: ما انا عارف هي بتعمل حاجة غير التفاهه و الضحك على اي هبل
انفعلت لارا بغضب : و انت مالك انت يا كتيب يا اللي وشك ميعرفش يعني ايه ابتسامه
نجوى بضيق : بس انت وهي في ايه انتو زمايل
منال بتعجب : انتي عرفتي ازاي و انتي في سنه اولي و هو في سنه تانيه
ارتعب يحي من أن تكتشف حقيقته امام والدته فنظر ل لارا بلهفه يبرق لها وهو يهز راسه لكي تصمت لكن كانت سبقته و هتفت بدهشه : تانيه ايه ده معايا
منال بعدم فهم : معاكي ازاي يا حبيبتي هو في سنه تانیه
يحي بلهفه وارتباك : هي فكرت اني معاها في اولي عشان عندي شويه صحاب من دفعتها و دايما اعد معاهم
منال بضحك: اه عشان كدا بس اخس عليكي عايزه تسقطي الواد
لارا بغباء وعفويه : لا والله بس هو دايما بيحضر معانا
يحي بغضب : دايما ايه شوفتيني فين بحضر معاكوا غير مره ولا اتنين بس
نجوى بارهاق : خلاص يا ولاد محصلش حاجة انتو هتتخانقوا على السنه
ضحكت مثال و هتفت بتلقائيه: لو احتاجتي اي مساعده اطلبيها من يحي وهو هيساعدك في شرح المواد
لارا بسخريه و همس وهي تنظر ليحي التي يحدق بها بقوه و قلق لا تنكر نظره الرجاء بعينيه فجعلتها تفهم أنه يخبي شي عن والدته
لارا بهمس ساخر: لا و هو شاطر اوي باين عليه
ثم انتبهت لنفسها بتوتر: اکید يا طنط ... ممكن نمشي يا مامانجوى : ماشي يا حبيبتي
ركبوا السياره و اوصل حازم صاحبتها الي بيتها ثم ذهبوا الى بيتهم و صعد معهم
فتح لهم أدهم الذي قلق بشدة على حفيدته وأخذ لارا في حضنه : الف سلامه عليكي يا حبيبتي
لارا بتعب : الله يسلمك يا جدو نجوى بحرج : مش عارفه اقولك ايه يا بني عطلتك و تعبتك
حازم بلوم: علفكره انا هزعل لو قولتي كدا تاني أمال ابنك ازاي بقي
نجوى بإبتسامة حنونه : ابني و نور عيني كمان ادخل اتغدا معانا
![](https://img.wattpad.com/cover/229177130-288-k764949.jpg)
YOU ARE READING
ليتني ما عشقتك ( بقلم يارا عصام)
Romanceقد تاتيك الطعنه ممن لا تتوقعه او تظنه دائما انه امانك وحمايتك ولا يمكن ان يكسرك ويأذيك ابدا فقدان الثقة في شريكك هو بدايه نهاية العلاقة رهف بنظره مؤلمة قائلا ببكاء : طلقني يا حازم