خرجت رهف من غرفتها علي الصوت اتجهت
اليهم لتشهق بذهول حين رأتهااتجهت نادين اليها قائله بلهفه: رهف عايزه اتكلم معاكي ضروري
رهف بغضب: عايزه ايه مني تاني .. اللي بتحاربي عشانه سيبتهولك امشي بالذوق بدل ما اطردك
نادين برجاء: رهف اسمعيني المرادي و مش هتشوفي وشي تاني اوعدك والله ما جايه اديكي
رهف بقله حيله: اتفضلي ادخلي يا نادين
نجوي بقلق: مش هسيبك تقعدي معاها ، انتي مش بتتعلمي من اللي فات
رهف بيأس: مش هخسر اد اللي خسرته يا ماما، خليني اشوف عايزه ايه
تركتهم نجوي و دخلت نادين مع رهف غرفه الصالون .. جلسا علي الاريكه
رهف بغضب : ياريت تقولي اللي عايزاه و تنجزي... وقصري الفيلم عشان مشغوله
نادين بدفاع : حقك تقولي كدا بس كلامي حقيقي مش فيلم ولا كدب
ابتسمت رهف بسخريه : انتي وهو متعرفوش حاجة غير الكدب و الأرف
نادين بتوتر: انا هحكيلك علي كل حاجة من يوم ما رجعت مصر بس اصبري
بدءت تقص عليها كل ما فعلته و ان حازم لم يحبها كما قالت لها و انها فعلت ذلك بهدف الأنتقام .. لم تخبرها انها تحبه بالفعل حتي لا تزيد الامر سوءا
لتهتف بندم: انا اسفه يا رهفقامت رهف من مكانها لتهتف بصدمه وغضب: اسفه! بعد ما دمرتي حياتي و خسرتيني جوزي و عيشتيني في وهم طول الوقت انه بيحبك و في الاخر جايه تتأسفي بكل بساطه
نادين بصدق: انا عارفه ان حقك متسامحنيش بس انا فعلا ندمانه علي اللي عملته
رهف بدموع وصياح: و انا هيفدني بايه ندمك، انتي جيتي متأخر اوي بعد ما كل حاجة راحت، كان طول الوقت بيحاول يثبتلي انه بيحبني و انا كنت بكدبه، و يوم ما قررت اصدقه انتي جيتي بوظتي كل حاجة... حسبي الله ونعم الوكيل فيكي
نادين بخجل من نفسها وحزن شديد : لسه معاكي فرصه ترجعيله هو بيحبك و لما هيصدق تكلميه
رهف بألم وسخريه : لا ما خلاص الموضوع مبقاش واقف عليكي انتي بس ...في حاجات كتير اتكسرت ما بينا غير اللي انتي عملتي، علاقتنا ماتت
ثم تابعت بعتاب: ازاي جالك قلب تعملي كده في حد عمره مأذاكينادين بدموع : حطي نفسك مكاني انا ابويا ضحك عليا و كنت عايزه انتقم بأي طريقه يعني اتظلمت زيك
رهف بغضب : انا لو حطيت نفسي مكانك الف مره عمري ما هعمل كده و لا هنتقم من الاساس لان في حاجة اسمها ربنا المنتقم الجبار هو اللي هيجبلك حقك لو كنتي مظلومه
- تفكيرنا مش زي بعض، بس انا اول ما عرفت الحقيقه و امي رجعتلي ندمت و طلبت من ربنا ان يسامحني و جيت احكيلك يمكن اللي عملته يتصلح و تسامحيني
![](https://img.wattpad.com/cover/229177130-288-k764949.jpg)
YOU ARE READING
ليتني ما عشقتك ( بقلم يارا عصام)
Romanceقد تاتيك الطعنه ممن لا تتوقعه او تظنه دائما انه امانك وحمايتك ولا يمكن ان يكسرك ويأذيك ابدا فقدان الثقة في شريكك هو بدايه نهاية العلاقة رهف بنظره مؤلمة قائلا ببكاء : طلقني يا حازم