تصدع الاصوات في المكان معلنا حدوث البرق و الرعد و سقوط الامطار
اخرج حازم هاتفة و اتصل برهف وجد هاتفها مقفول علم انه بسبب سقوط الشبكات
قام بتجميع اشياءه في الحقيبه ليتوقف علي سماعه صوت نادين مناديا بإسمه
نظر لها حازم بغضب وقال بإحتقار: انتي ايه اللي جابك هنا
نادين ببرود: وحشتني بقالك فتره مش بتيجي العياده لما صدقت انك جاي انهاردة قولت اجي اشوفك
حازم بحنق: و انا مش عايز اشوفك و ياريت تبعدي عن طريقي احسنلك
نادين بحقد: انتو اتصالحتو ولا ايه .. الملكة رهف رضيت عنك
حازم بإبتسامة استفزاز: الحمدلله... قدرت اخرج الشيطان اللي زيك من دماغها
نادين بغضب: شيطان .. مفيش شيطان غير ابوك اللي خرب حياتنا و قتل امي
تابعت باقي كلامها و حازم يمكسها من حجابها بشده لتصرخ من الألم فقال بحده : لأخر مره هقولك اياكي تجيبي اسمي ابويا علي لسانك القذر ده .. فاهمه
دخلت السكرتيره علي الصوت فترك حازم حجابها و التفت لها وقال بأمر : البت ده متدخلش هنا تاني
اومأت السكرتيره رأسها و خرجت من المكتب
نادين بحنق : انا هعذرك دلوقتي لانك مش عارف حاجة لسه، بكره لما تتأكد هتأسف علي معاملتك معايا
اطلق حازم ضحكة عاليه و قال بسخريه: بكره انتي لما تعرفي الحقيقه هتندمي علي كل اللي عملتي معايا و هتيجي تطلبي السماح
ثم تابع وهو يخرج الورقه من الدرج و يعطيها لها: كويس انك جيتي الورقة ده تقرير عن حاله امك في المستشفي من ساعه ما داخلت
نادين بصراخ: كداب انا ماما ماتت في حادثه من سنين ابويا عمره ما يضحك عليا
حازم ببساطة: براحتك انا عملت اللي عليا وانتي حره... واتفضلي امشي ، الدنيا بتمطر و عايز ألحق مراتي
اقتربت منه نادين وقالت بعيون لامعه: بعيد عن انتقام اهلنا لبعض، حازم انا بجد مفتقداك
و عايزه ن
قاطع كلامها بغضب: عااايزه ايه. نرجع لبعض ، انتي خسرتيني يا نادين للأبد ... كنت صديق و اخ مخلص ليكي لابعد الحدود . وانتي خونتي
ثقتي و كنتي هتضيعي مني حبيبتي
نادين بإصرار: مش هتحبك أكتر مني صدقني.. حازم انت بتعاقبني عشان رفضتك زمان و بتحاول تضايقني بيها
حازم بصياح : فوقي من الوهم اللي انتي عايشه فيه ده و خلتيها تقتنع ان بشوفك فيها لحد لما كانت هضيع مني
نادين بحقد: لانها مش بتحبك فسهل جدا تصدق اي حاجة تتقال عليك .. بس هي فرحانه انك بتجري وراها و عاملها حساب
KAMU SEDANG MEMBACA
ليتني ما عشقتك ( بقلم يارا عصام)
Romansaقد تاتيك الطعنه ممن لا تتوقعه او تظنه دائما انه امانك وحمايتك ولا يمكن ان يكسرك ويأذيك ابدا فقدان الثقة في شريكك هو بدايه نهاية العلاقة رهف بنظره مؤلمة قائلا ببكاء : طلقني يا حازم
