Unicode
ဝုန်းခနဲမြည်အောင် တွန်းဖွင့်လိုက်သော တံခါးအသံကြောင့် ပြောလက်စစကားကိုရပ်ကာ လှည့်ကြည့်မိလိုက်၏။ တံခါးဖွင့်လိုက်သောသူကို မြင်လိုက်ရာ မျက်ဝန်းအိမ်တို့က ဝိုင်းစက်လာပြီး အာမေဋိတ်သံ ထွက်ပေါ်လို့လာသည်။ ရင်မှာလည်း တထိတ်ထိတ်ဖြင့်။
“ မေမေ...’’
“ ငါ...ငါ… အခုဘာကိုကြားလိုက်တာလဲ ဟမ်... ကိုလတ် ‘’
“ ကြား… ကြားသွားတာလား ‘’
“ ကြားတယ်ဟဲ့ ကြားတယ် ငါ့နားက အကောင်းကြီး ၊ နင်ပြောလိုက်တဲ့စကားကို ပြန်ပြောစမ်းပါ… ‘’
“ မေ မေမေ… အဲ..အဲဒါက...’’
ဝေယံမျိုးနိုင် စကားတို့ပင် ထစ်အကုန်ကာရှေ့မဆက်နိုင်။ ဖခင်၏ကျောဘက်သို့သွားကာ ကွယ်နေလိုက်၏။
“ ငါကြားလိုက်တာဘာလဲ ၊ ပြောစမ်းပါ ကိုလတ်ရဲ့ ငါ့ကိုပြော… ‘’
ဒေါ်တင်မမမျိုးသည်လည်း စိတ်မထိန်းနိုင်တော့ဘဲ ဦးမျိုးနိုင်၏နောက်တွင် ပုန်းလျှိုးကာကွယ်နေသော သားဖြစ်သူအား လက်မောင်းရင်းမှဆွဲကာ ရှေ့သို့ပို့၍ ပုခုံးနှစ်ဖက်ကိုကိုင်လှုပ်ကာ မေးလာခဲ့သည်။
“ မေမေ ကျွန်တော်က… ‘’
ဝေယံမျိုးနိုင်လည်း ပြောရန်စကားအစပင်ရှာမရ။ မည်သည့်စကားကိုပြောလျှင် မေမေ၏ဒေါသပြေနိုင်မည်လဲ မပြောတတ်။
“ ကိုမျိုးနိုင် ရှင်တို့သားအဖပြောနေကြတာ အမှန်မဟုတ်ဘူးမလား ၊ ကျုပ်ကိုပြော ကျုပ်နားကြားလွဲခဲ့တာ ဟုတ်တယ်မလား ‘’
ဦးမျိုးနိုင်လည်း သက်ပြင်းချကာဖြင့် ဒေါ်တင်မမမျိုး၏မျက်နှာအား သေချာစိုက်ကြည့်ကာ တည်တည်ကြည်ကြည်ပြောလိုက်သည်။
“ မိန်းမ မင်းကြားလိုက်တာက အမှန်တွေပဲ၊ ကိုလတ်နဲ့မြတ်ဘုန်းခန့်တို့က မေတ္တာမျှနေကြတယ် ‘’
“ အို… မဖြစ်နိုင်ပါဘူး မဟုတ်ပါဘူး၊ ရှင်တို့တွေ ကျုပ်ကိုပေါင်းပြီး လိမ်နေကြတာမလား ‘’
ဒေါ်တင်မမမျိုးက မယုံကြည်နိုင်စွာဖြင့် ပြန်ပက်ပြောလိုက်သည်။
YOU ARE READING
I Want A Son-In-Law [Completed]
Romanceနှလုံးသားကို အပေါင်ဆိုင် ပို့ထားသည် ။ ထာဝရ အပေါင်ဆုံး ပစ္စည်းအဖြစ် သော့ခတ်သိမ်းထားပေးပါ ။ ပြန်ရောင်းစားခြင်း မပြုရ ။ ----- ႏွလုံးသားကို အေပါင္ဆိုင္ ပို႔ထားသည္ ။ ထာဝရ အေပါင္ဆုံး ပစၥည္းအျဖစ္ ေသာ့ခတ္သိမ္းထားေပးပါ ။ ျပန္ေရာင္းစားျခင္း မျပဳရ ။ Cover Arti...