For Real (A Lesbian Love Story, Based On A True Story) by Epey Herher

Epey Herher, the English Teacher

“Hi, Epey!” a text message from Angel. Si Prospect Number 4, ang magandang kolehiyala na hindi maka-move on sa ex niya.

“Hey!” reply ko.

“May good news ako sa ‘yo”, sabi niya.

“Let me guess, nagkabalikan na kayo ‘no?”, hula ko.

“No, naka-move on na ako”, balita niya.

“Wow! Well, good for you”, reply ko.

“So, puwede ka ba tonight?” tanong niya.

“Anong meron?”

“Celebration dito sa bahay dahil naka-move on na ako.”

“Whoa! Meron palang gano’n?” naa-amaze kong tanong.

“Yes, meron. . .Kaya dapat pumunta ka dahil gusto kong ipakilala sa mga friends ko kung sino ang dahilan kung bakit naka-move on ako.”

It took me a while bago mag-sink in sa utak ko.

“Ako?” gulat na gulang kong tanong.

“Yes, you. Ikaw ang savior ko”, hindi ko siya nakikita pero alam kong kinikilig siya.

Oh, no! Paano ko ipagtatapat sa kanya na may girlfriend na ang savior niya? Sabi niya, ako ang dahilan kung bakit naka-move on siya. Ayokong ako din ang maging dahilan ng kabiguan niya.

“Hanggang eleven o’clock pa ang class ko”, iwas ko.

Class? Yes. I forgot to mention na isang akong English teacher. I am teaching Korean students online. Home-based, from two o’clock to eleven o’clock. Nakatutuwang isipin na hindi ma-figure out ng students ko kung ano ba talaga ako.

“Teacher, wait. Are you a boy or a girl?”

“Will I call you Ma’am or Sir?”

“Teacher, are you a she or a he?”

“I’m confused, Teacher. You look very handsome but you sound like a girl.”

Ilan lang ‘yan sa mga nakakatutuwang dialogue ng students ko.

“Basta, hihintayin kita”, text ni Angel.

“Okay, I’ll see you later.”

“Yehey! Can’t wait to see you, Epey.”

Sa totoo lang, hindi ko talaga alam kung anong gagawin ko. Pero dahil naka-oo na ako, go! Makikipagkita ako kay Angel mamaya para maipagtapat ko na din sa kanya ng personal ang buong katotohanan. Bahala na si Batman!