"အစ်မ....စုံတွဲခုံတစ်ခုံ......"
ရုပ်ရှင်လက်မှတ်ဖြတ်ပေးတဲ့ ကောင်မလေးက ဖြိုးမင်းသူရတို့နှစ်ယောက်အား အကဲခတ်သလိုကြည့်နေ၏။
ပိုက်ဆံရှင်းပေးပြီးတော့ ကောင်မလေး၏လက်ထဲမှ
လက်မှတ်ကိုဟန်သာက ဆွဲယူလိုက်ပြီး ဖြိုးမင်းသူရ၏ လက်မောင်းကိုချိတ်ကာ....."လာကိုကို.....မုန့်လည်းဝယ်ရဦးမယ်....
မြန်မြန်သွားရအောင်......"ရုတ်တရက်ကြီး ကိုကိုလို့ခေါ်ပြီး အသဲယားစရာပုံစံနှင့်
ဟန်သာ့အား ဖြိုးမင်းသူရ ကြောင်တောင်တောင်လေး ငေးကြည့်လျှက်...ဟန်သာဆွဲခေါ်ရာနောက်သို့ လိုက်ပါသွားရသည်။ပေါက်ပေါက်နဲ့အအေး ဝယ်ဖို့စောင့်နေရင်းမှာလည်း..မျက်နှာကရှုံ့မဲ့ပြီး
ပါးစပ်ကလည်း ပွစိပွစိနှင့်ပြောနေသောကြောင့်...
ဖြိုးမင်းသူရ မေးကြည့်လိုက်သည်။"ဟန်လေး....ဘာဖြစ်နေတာလဲ... ပါးစပ်ကလည်းပွစိပွစိနဲ့..."
"ဘာဖြစ်ရမှာလဲ.....ဟိုကောင်တာကအမပေါ့..... ကြည့်တာကြည့်တာဆိုတာ.....မျက်လုံးကြီး ကျွတ်ကျတော့မယ်....မိန်းကလေးဖြစ်ပြီး ဟန်တောင်မဆောင်နိုင်ဘူး......"
"ဟန်လေးကလည်း....
သူ့ဘာသာကြည့်တာ ကြည့်ပစေပေါ့.....ဘာဖြစ်လို့လဲ....""ဖြစ်တာပေါ့.....မင်းမျက်နှာကို ငါတစ်ယောက်ထဲကြည့်ရင်ရပြီ...။တခြားဘယ်သူမှ
မကြည့်စေနဲ့.....ပြီးတော့ မင်းကလည်း
ဒီလောက်ချောအောင်မနေနဲ့.......""ဟား.....ဟား......"
ဟန်သာ့စကားကြောင့် ဖြိုးမင်းသူရရယ်မိသည်။
အမေမွေးကထဲက ဘယ်လိုနေနေကြည့်ကောင်းနေတဲ့ မျက်နှာကို ချောအောင်မနေနဲ့ဆိုတော့ အိုးမည်းဘဲ
ပြေးသုတ်ထားရတော့မလိိုလို....။ဒီကောင်လေး....
မသောက်ဘဲနဲ့ ရစ်နေလေပြီ...။"နောက်တခုရှိသေးတယ်......ပါးချိုင့်တွေမပေါ်စေနဲ့.....
သွားပေါ်အောင်မရယ်နဲ့....ဖြစ်နိုင်ရင် မျက်နှာကို စူပုတ်ထား.....မဖြစ်ဘူး....နှာခေါင်းစည်းတပ်ထားပေးရင်
ကောင်းမလား.......""ဟား....နှာခေါင်းစည်းတပ်ဖို့ထိတော့ မလိုပါဘူးဗျာ...
ကျွန်တော်မျိုးကြီး....ရုပ်ကို အတတ်နိုင်ဆုံး တည်ထားပါ့မယ်....ပြုံးလည်းမပြုံးဘူး....ရယ်လည်း မရယ်ဘူးဟုတ်ပြီလား....နေပါဦး....ဒါနဲ့....အခုသဝန်တိုနေတာလား....."
YOU ARE READING
❤Love is Smiling❤ (Z/U)(Completed)
Romanceအခ်စ္ဆိုတာ ဘာလဲလို႔ေမးတဲ့အခါ သူမ်ားေတြကေတာ့ ေပးဆပ္ျခင္း(ဒါမွမဟုတ္)ရယူျခင္းစသျဖင့္ေျပာၾကလိမ့္မယ္။ ကၽြန္ေတာ့္အတြက္ကေတာ့ Love is smiling Boy love(own creation) အချစ်ဆိုတာ ဘာလဲလို့မေးတဲ့အခါ သူများတွေကတော့ ပေးဆပ်ခြင်း(ဒါမှမဟုတ်)ရယူခြင်းစသဖြင့်ပြောကြလိမ့်...