حجر النرد 🔞

٤

حجر النرد .....

زينب علي .....

___________

خيبااات متكرره يوصلني رفض ابويه لقراري من زواجي من احمد وكانت هلشغله بلنسبه اله مسألة اثبات الشأن اما اووو ...

لو اختاره لو اختار احمد ....

مرت الايام والاشتياق اخذ محل من كلبي قررت الاتصال باحمد وي اول رنه شاله احمد وبدع كلامه : جنت منتظرج !!!

جاوبته بكل شوق  ولهفه : كلبي اتصل بيك مو اديه والله احمد ....

احمد : سفانه ما رجعتو خبر وانتي تدرين بلوضع ...

حاولت الوف واكذب : اهلي موافقين بس ابويه يكول خاف نتخارب واحمد معتبره ابني ....

لا اكدر اضحي باحمد ولا اكدر اكله اهلي ما موافقين لان جنت واصله مرحله الحب والهيام باحمد لاخر درجه  .

فاجأني رد احمد : اني اذا عمي ابو يعرب ما قبل مستحيل اقبل يتم هذا الزواج لان عمي اني معتبره ابويه .....

هدوء دام ما يقارب خمس دقايق . انهيت الاتصال بي ورحت لغرفتي ودموعي يرجن ١٠ على ١٠ . منتظره يطلعن خيوط الفجر حتى اغبش لامي تشوفلي حل ...

.
وانتظار تلاه انتظار تلاه انتظار  وعيوني ما فاركت عقارب الساعه وكأن هليوم كان اطول يوم عليه غفيت واني كاعده من شهد الارهاق .
ما كعدت اله على صوت المنبه على الساعه ٧ صباحا . ركضت من النوم غسلت وجهي ولكيت امي جاي تحظر الريوك وابويه  على الكرسي  كاعد منتظر يكمل فطوره .
غسلت وجهي وسلمت على امي : صباح الخير يوم ...

امي: صباح النور شكعدج من وقت واليوم جمعه  ... يوميه نسحلج سحل من الفراش  ...

سفانه : اكلج يوم الله يخليج . احجي بموضوع احمد كدام ابويه الله يخليج ....

عفست وجهه وهيه تنطي تنظرات بعد الرضا : اهااا اكول شمكعدج ومسهرج . اثاااري ...

سفانه : حبابه يوم الله يخليج . والله ما عجبني واحد غيره واشوفه مناسب اليه ....

امي : ابن عمج رايدج وابوج يكول احسن من الغريب وحباب وتعرفينه كلش زين  ...

سفانه : ماما الله يخليج لا تشلعين كلبي كتلج والله ما اريد واحد منهم ولا اله نفس بيها ...

امي : بكيفج اني الي عليه كتلج وتره احمد مترتاحين ويا هلواحد لهله وامه متعلقه بي تشلع كلبج والله العظيم  ....

سفانه:  اني احمد اختياري واني متحمله كل النتائج ....

.
.
بهذا اليوم اني جانت عندي قناعه انو اما اخذ انسان تحبه واضل عمري كله مخلصه اله ولحبي اله لو ما اتزوج اساسا ولا اتزوج شخص ما عندي مشاعر اتجاهه .

.

كاعده كدام ابويه وامي فتحت راس الخيط : اكلج ما كتلنه شنرد لام احمد ؟ فشله المره منتظره ..