حجر النرد .....
زينب علي ......
..............
المعركة لم تبدأ بعد . معركتي ضد الحياه لم تبدأ عليّ ان استعد لها ...... للجميع . انا لم امت ما لم احقق شيئا انا لست على الهامش بل انا بطلة هذه القصه ....
انا الكاتب نفسه ولا يوجد شي يُسرد ان لم اكن موجوده لذلك موتي لم يحن بعد ...
بصرخات عاليه ترج البيت وصلت مرحلة الانهيار بدون قول ايييي كلمه فقط صرخات جانت تطلع من جوه كلبي وتكطع كلشي بي .
وامي واكفه على راسي تصيح : ولج مخبله اعقلي اعقلي . والله هو الخسرج والله ...
مجانت تطلع مني غير صرخات متتاليه اندب حظي الي وين ما اودي هووو فاشل ...
ليششش ددجر الدنيا عكس وياي ليششش كلشي ما صفالي يمممه ...
يمه اذكري الله ولج حامل انتي هلطفل راح تموتي....
خل يموووت المن جاي للعذاب للسكم للضيم للذل . المن جاي .... ششيشوووف كدامه . مثلنه مثل ما ربينه يمه اذكرج لو ناسيه اذا انتي ناسيه عمري ما نسيت اني ولج يمه اطبعن الذكريات بكلبي وي كل شبه شبيتها جانن مطبعات بجلدي وروحي ودمي وعضمي ....
مو هاي كلها كدامج عمتج وعمج واني وناسنه واهلنه يكلج صحتج اهم شي . باجر عكبه منو يفيدج . اذا وكعتي منو الج . شيهمه الرجال وره سبوع يكلج اريد ازوج اريد حاجتي . وانتي صار كدامج خير برهان ... اخذي عبرررره . الحياااااه مدرسسسه . . ليش هيج تاذيني وبعد ما عندي طاقه ربيت وكبرت وتعبت اريد الله يتوب عليه يربييييي من الصبر للكبرررر شلون بيه ارحم بحالي
بدت تهز بيه وهيه تكلي اصحي على روحج لتصيرين غبره دوسي على نفسج ومشاعرج . ومسيره يرجعلج . ومدام وصل لحد وجابلج فلوس يعني اكو امل ...
يمه انتي مجاي تفتهمين عليه . اريده اليه ما اريد فلوسه ما اريده يومين ... يومين ميكفني مسسستحيل ارضه عمر اكضي على يومين ....
نزلت دمعتها : غيرج انجبر انتي محد جبرج ...
لااااا اني هم مجبوره وحدددد هم مجبوره نسيتي اني شلون طلعت لو لااا . ليش خذتي فلوس منه ليششش ...
كامت من مكانها وهيه تمسح دمعتها : اذا تردين تموتين موتي واذا تردين تموتين نفسج براحتج . هو اجه انطاني الفلوس وراح يعني شسويله .. والدنيا حظ مو عبالج بلطلعت من بيت اهلها بزفه راح ترتاح . اهم شي الحظ لتنسين عمتج سفانه تزوجت والدنيا نكلبت بزواجها ....
يبووووووووووو عمتي سفانه ما عمتي سفانه ....
اني مو سفانه ولا اشبه سفانه . اني ما استسلم .
............
كل شهر انتظر موعد الشهريه واطلب من الله هلشهر ميخيبني . وتجي واصاب بنوبه احباط ما اله اول ولا اخر . وكل شهر اني يسألوني : هااا مغابتلج ...
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
