حجر النرد ....
زينب علي ....
...........
تصرفنت امي واني امشي وراها وهيه تصيحلي تعاي صبيلي شويه ماي ...
اي يمه جايه ....
تقدمت اتجاها واني اباوع لجفنها النازل على عيونها وكأن هلعيون اتعبها الزمن وزاد حمل فوووك حملها عشر اضعاف ....
درت الها الماي وضلت تخلط العجين وهيه تكلي على كيفج صبي شويه شويه ..
يوم هسه انتي شسوين بي هذا العجين شكثره ...
باوعتلي بطرف عينها وهيه تكلي : نضمه بلمجمده هاف ساعه الساعه يطبلنه واحد ....
يوم ياهو الجايج انتي هسه ....
هاي ع ساعه ام محمود ام حسين ام نصير تجي غداها عدنه ....
ضلت امي تعدد صيقاتها من الجوارين الي كل فتره تجي وحده منهن وختمت كلامها برزاله اليه : يلا انتن بنات هلوكت لا حظ ولا دبان والله احنه كبل نسوان مكاريد ....
اي وشعم عليجن غير هلحجايه يخلون المره تجرد من ثوبه الانوثه وتدخل ثوب المعارك وهيه تصير ام وزوجه وخدامه وچنه ومصلح بواري ومصلح تلفزيون ومصلح بلاليع وغسالة زوالي وسنكي وتحفر وهيه الي تحبل وترضع وتطلك ويوكع شعرها وينحني ضهرها كل هذا ومحد راضي علينه ....
لفت العجين بلبطانيه وهيه تكول : ايي الجنه جوه اقدامنه ... هاي مو كافيه .... ولج يمه الحياه يحتاج الها صبر ... والمره لازم تصبر هسه شكو بيت نجاح كولي هاي ام البيت سوته شكو ولد ناحج كولي هاي امه تعبت وسهرت ودرست شكو بنيه شاطره شريفه كولي هاي امها وراها وربتها .. يمه الام اهم شي تصنع حياه تصنع من الا شي شييي .. الام الواعيه حلوه والمره النادره حلوه
كامت على حيلها شايله معجانه العجين . ردت اساعدها جرتها من ايدها ... عوفيها ودير بالج على بطنج ....
لزمت حنجي بدها وابتسمت يمه هاي امانه عندج . وربج امنها يمج صونيها وحافظي عليها ....
جريت ايدها بستها بدمعه عيوني : يوم تتوقعين يرجعني ...
طبطبت على ضهري بخفه وراحت كدامي واني امشي وراها مثل التابعه اريد اسمع جوابها
ربج اذا قاسملج عيشه ويا يرجعج واذا لا ميرجعج ....
اسولفج سالفه . زماناتنه جنه صغار ووحده وره الثانيه حطتنه امي الله يرحمها حتى تجيب ولد ثاني حتى لا يعيروها ام الوحيد ولحد ما صرنه ٥ بنات توقفت امي وكالت خاف اجيب السادسه والناس تاكل وجهي . وهاي عشنه وعيشتكم بفضل الله . ربج حنين ميعوف احد ....
اسالها : يوم تتوقعين انتي تستحقين الي صار وياج ....
جاوبتني بفخر : المؤمن مبتلى ....
واني الله عوضني بيجن الحمد لله ما قصر وياي . وان شاء الله يجازيني بلاخره ...
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
