حجر النرد 🔞

٣٠

حجر النرد .....

زينب علي ...

............
في بيت ابو يعرب ......
.........

حاتم .....
......

يوكف خالد بنظرته المنتروسه رعب وخوف ومتأكد مصدر هلرعب هو آمر ....

وهو يترجى بيه الرجاء الاخير . ما اريدها يابه ارحموني....

وضليت مصر . ما انطي ولا ذره امل ... ومنزل راسي حتى لا يعيد توسله مره ثانيه....
.
ما جان عنده قرار غير الموافقه على الزواج من بسعاد... حتى ما اكول السبب بطرده من البيت ... وبتهديد مني . احرمك من الفلوس خلا يوافق مباشرة ....

.
خالد مثل الي متعلق بكشايه وهو بمحيط هائج من المشاعر .... يعرف آمر كاعده ويا على حساب الفلوس ولا ما ضلت ويا ... وهو راضخ اليه كوني الممول الرئيسي لحلكه وحلك آمر ...

.

وديت آمر بآيدي لبيت أهلها سحلتها سحل وهيه رفضت تطلع من البيت وتبجي : عمي تريد تزوجه... ليششش ....

وتأملت تكون اعقل من خالد وبديت اشرح الها : افهمني ميصير تضل البنيه بدون زواج وعقد لازم تزوج . وماكو غير خالد ....

ضلت تبجي وهيه تصيح : خل ياخذها شيخ العشيره احنه شعلينه ....

أيقنت انو الكلام مع هالبشر حماقه مني . درت وجهي لباب لسياره واستمريت اسوق لحد ما وصلتها وهيه تنزل . وخليتها بخوف على أن متسلك طريق غير مرغوبه . ربع ساعه سلمي عليهم وشوفيهم واني اجيج....

رجعت واني رايح اجيب أمام الجامع يعقد الهم حتى اخلص من هلمصيبه الي واكعه على راسي ...

.
لحد ما وصلنه ثنينه للبيت . وصحت الها الشيخ وهو يعقد عليها وهيه ترجف . والخوف مسيطر عليها .

كملت العقد وضلت متسمره بمكانها بنفس مخنوق ما كاد يطلع منه غير الخوف ....

.
التفتت لخالد واني اذكره : هسه تروح تجيب زوجتك وتجي ...

.
تقرب عليه وهو يكلي : يابه لتكل لآمر اني افهمها ....

زجرته بصوت عالي : مو هيه افتهمت خلاااص لتزيد بالموضوع . افتهمت وهاهيه ليش تعيد وتسقل ....

بأصرار من خالد : لاااا يابه حتلو افتهمت اني راح احاجيها بطريقتي لتكللها انت ....

صفنت بوجها واني اشوف هلولد من شنو الله خالقه ... معقوله هذا ابتلائي بالدنيا.... معقوله هذا ابني ... للحظات اسأل روحي هذا ليش اعوج ....

تركني وراح . واني ما بيدي حل واني اشوفه يتصرف تماما عكس ما اريد كأنو متعمد يريد يأذيني وجاي يثبت للكل انو يعبد آمر .....

.
درت وجهي واني اشوف بسعاد . واكفه بمكانها متتحرك كأنو جواها عبوه وخايفه من شيلة رجلها ...