حجر النرد ....
زينب علي......
.
.
..
اااه قل لقلبك أنني أحببته فلعل صوت الحب يبلغ مسمعك رفقا بحالي إن قلبي موجع وشفاؤه في أن يراك ويسمعك مهما ابتعدت عن الفؤاد فإنني
مستوطن رغم المسافة أضلعك .....
لزمت موبايلي ودزيتله رساله ( راح اروح للدكتور اخذ سونر )
عيني ما فاركت الموبايل وما جنت اعرف صدك جنت اريد اروح للسونر لو جنت ناويه اغثه بطلعتي .
شفت الرساله انفتحت وبده يكتب ...
بين كلبي اكول يا الله واخيرا راح يكتب .
شويه توقفت الرساله ويرن تلفون امي . وهيه تسلم هليه بعد روحي ابو يعرب الله يسلمك ويخليك . لا ان شاء الله والله اكلها بيك خير ودلل ...
تقربت عليها وعرفتها جاي تحجي ويا ... هيج صار الحجي يعني سحبت التلفون منها وصيحت : انت ضالم ويجي يوم الله ياخذ حقي منك ....
الو ... الووو .. الوووو ...
عرفته انكطع الاتصال ..
التفتت لامي بعيون دامعه : يمه شكلج ....
امي : كلي اذا طلعت اكسر رجلها . تضل كاعده بلبيت وتنجب ...
هسترني الحجي وبدت الهرمونات تاخذ مفعولها مني واعصابي بدت تتلف : مستحيل هذا الرجال يريد يخبلني ... والله يريد يخبلني .... واني صدك راح اتخبل . والله عقلي راح افقددددده ...
بديت ابجي بخبال عافتني امي وراحت وهيه تصيح كون الله ياخذ عمرج وعمره اني ويني وين هلهم صد اذا كالو هم البنات للممات يمه اكعدي واسكتي وج استقرري ...
يمه ليش متحسين بيه والله محد يحس بيه . والله راح يخلص شبابي بلانتظار ....
نزلت على رجليه وكعدت بصفي : انتظار ولا فضايح اتقي الله واكعدي واسكتي . بلكي يجي يوم الله يحنن كلبه عليج . بدل بجيج مثل المخابيل اكوم اقرالي قران اكوم اتوجه لالله واطلب حاجتي منه . اسالي يا ربي حنن كلبه عليه وخلي يشوف الصح من الغلط يا ربي ينطيني فرصه .
ابتعدت عني وصاحت اااااخ منكم بيكم رس العناد والخبال اااااخ ....
جاوبتها بصياح : يمه اني مو سفانه ولا مثل سفااانه ولا اريد اصير مثلهاااااا .....
.
.
.
.
لميت غراضي وطلعت وتركت حب وعشق بنيته سنين لمن جنت طفله ...
فتحت عيوني عليه وما شفت غيره ...
غرس حبه بكلبي بذره بذره واحساس ما اكدر اوصفه وصعب وصفه مثل غرس السدر بلكاع تعمر وتمد الجذر .
وي كل خطوه اخطيها اعد الها الف حساب واكول لروحي : هاااا راح اتركين كليبج هنااا ...
هااااا راح اتركين رويحتج هنااااا ....
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
