حجر النرد ....
زينب علي .....
.......
علياء ....
......
فتحت عيوني على ابهر ابهر اول رجل اشوفه بحياتي ...
عمرررري معتبرت ابويه رجل جنت دائما اشوفه ضعيف الشخصيه .
لكن أبهر جانت بي ميزه رجال من جان طفل ....
وعمه سفانه طورت هالشي بي ...
اروح للمدرسه اني ويا هو ياخذ درجات كامله واني درجاتي ناقصه وعمه سفانه ترسمله بلدفتر ودفاتره دفاتر دكتور
جان معدها شغل وعمل غير ابهر . احلى الملابس تشتريها اله وتكعد من النوم تكويله ملابسه وتمسح حذاءه وهو يطلع شايف روحه علينه ....
شعره جان اشكر حيل وعيونه زراكهن مو طبيعي هادئ ما يوم من الايام عصه لعمه سفانه حجايه .
كبرنه وكبر حبه بكلبي صرت اعرف أدق التفاصيل عنه ...
حاولت اقلده بكل شي وكلما اشوفه متمسك بعمه سفانه اتمنى اعيش مثله ....
حياتنا تختلف . ٦ بنات واصابه امي برجلها خلتها عاجزه تقريبا ....
الكلمات الي جانت تخدش الاسماع جانت امي تحجيهن : كومن كحاب قنادر ساقطات ولجن شوووفن هذا نغل وكاتل نفسه على سفانه نغل ابن حرام ....
وانتن لا حض ولا دبان ...
عندي وحده من اخواتي اسمها حوريه ... حوريه جانت شاهده على كل شغلات امي وتكعد تسولفلي عنه وتسولف النه ...
امي مو من النوع الي تستحي من عدنه تخابر بالتلفون الأرضي وتحجي وتسولف ودائما ما تشتكي من حظها .
ضلت تلح على أنور أنور أنور اخذي وعيشي والبسي وتونسي ....
علياء : يوم احب ابهر اني ميته عليه....
آمر: شوفن اني شوصلني لهاي الحاله... اخذتلي واحد فكر ابن فكر حتاريت وياجن شتلبسن شتاكلن ششربن...
وهاي كدامجن اروح لهذا اضحك عليه واخذ كم فلس واجي اشتريلجن ملابس صح لو غلللط
احجي حوريه مو كدامج اخذ الفلوس اروح اشتريلجن ملابس ....
اخذي الي تقتنعين بي رجال يصونج ويصرف عليج ...
الحجي المستمره خلاني أوافق على مضض واني مراضيه لا مقتنعه بي شكلا ولا ماركه ....
دزو خبر لأنوار اني موافقة ....
نزلت امي وهي تهدد عمه سفانه ...
آمر : اسمعيني زين سفانه ... اني الي عليه كتلج ناس يردون يخطبوها وجاين على حسابها ما اريدج من ابنج يسويلي مهرجان ويطفر الوادم....
طكتها بهلهوله قويه عمتي سفانه وهي تكول : الف الف الف مبروك ... يا رب ٧ سعادات بجاه الحبيب محمد ...
KAMU SEDANG MEMBACA
حجر النرد 🔞
Romansa@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
