حجر النرد 🔞

٢٠

حجر النرد .....

زينب علي ....

.
.
.

بعد ما نزل ابو يعرب  استقبلته بخوف ورعب . راويته الي صار وهو يفتحه من العلاكه ... طلعت ريحه كلش قويه ...

ابو يعرب : شنو هلعبان نفس ... هذا ...

وفجإه يشوف ابو بريص مربوط بورقه بلدنابيس . ومخيط حلكه ..

سالني باستغراب : متاكده هيه ؟؟!!!

تضايقت من حجيه : ادري فد يوم شفتني مجذبه عليك ؟؟؟!!!

ابو يعرب : بسيطه بسيطه ان شاء الله خير ....

.
دقايق ورجع صاح الها .  طلب منها تجي ويا للاستقبال .  ومحد يجي . وياها ....

.
.
ابو يعرب ....
........

طبيت للاستقبال واني اصيح بعلو صوتي  .. وينج امر ...

اجتي تركض ورايه : ها عمي كول ...

كعدت  وطلع ابو يعرب الجيس ...

شفته انصدمت . خوف ورعب وقلق من مصير يمكن ينهي حياتي بأديه ...

انكرت الموضوع بخوف : شنو شنو هاي .؟!!!

ابو يعرب : يعني ع اساس انتي متعرفيها هاي ؟؟!!!

امر : ها لا شنو هاي ....

طبت عمتي بصياح ...  ولج يجذابه يا ام الدروب يكلاوجيه تنكرين واني شفتج بعيني ... تنكرين واني شفتج بعيني طمتيها بلحديقه جوه  .. شنو شعبالج زوووواج واحنه منفتهم الموضوع ... 

ارتبكت وضلم دموعي يجرن :  عمي والله مو اني ... الله شاهد مو اني .

دك ايده بلطبله وصاح بصوت عالي : لعد منووووو فهميني لعد منو...

امر : مو اني  هاي تهمه اليه مو اني ....

يثيح عمي وهو يقترب  مني : بيتي هذا عمره مصار بي هيج شغلات ... فهميني لج .من اجيتي لحد الان واجتي وياج هلسوالف فهميني . ليش هيج تسوين ليشش...

ضليت متمسكه بكلامي : والله هاي عمتي هيه خلته تريد اطلكني . هيه عمتي متحبني ...

ضلت عمتي تصيح : ولج انيييي حقيرره اذا اريد اطلكج اروح لهاي الطريقه الف طريقه اكو ... بس هاي الطريقه عمري مسويتها . . بس الدور والباقي الي امها ساكنه الكشافات شلون تطلع هيه ...

مجرد ما ذكرت طاري امي خفت  وعرفت هلتهمه لبستني لبستني . وي اعصاب عمي الي بدت تنهار وهو يطلع سلاحه من جيبه ويسحب اقسام ويوجهه بكصتي : اذا متمولين شلون اجتي هاي حتر طلاك متطلكين ... ادفنج بمكانج وبصفج هلسحر الي مسويته ....

ام يعرب : بدت تخاف وترتبك ... نزلت على رجل عمها تبوسها : ابوس رجلك عمي دخيلك عمي لتأذيني لخاطر بناتي ابوس رجلك عمي ...