حجر النرد 🔞

٣٧

حجر النرد .....

زينب علي ......

..............

بسعاد ....
.........

على اثر المغذيات الي خلولياها بالمستشفى وسفانه كامشه ايدي وهيه تكلي ، يلا لتخافين صيري بطله وان شاء الله تكومين بالسلامه ...

طلعت واني اشوف الدكتوره تحجي وي خالد وسفانه ...
وره شويه رجعت سفانه تبتسملي....

بسعاد ، ها شكالت الدكتوره...

سفانه : مكالت شي . بس.كالت خل تتغذى زين ....

شفت صفنتها مو طبيعيه مثل الي يداري فد شي وخالد واكف بعيد وينفخ ...

حسيت بثقل ومنتظرني شوكت اطلع .. استحيت وكلت لسفانه : اكلج اني اريد اطلع توقف النزيف بعد شنو ...

سفانه : لا انتظري خل الدكتوره تكتبين خروج يلا ....

ضلينه منتظرين ٤ ساعات وخالد واصله عنده مرحله من الإرهاق . والتعب . وعرفته كوه متحملني ....

كمت على حيلي والدنيا تفتر بيه .

كافي سفانه طلعوني .

تقرب خالد وهو فرحان : يلا يلا خل نطلع نزيف وتوقف بعد شكو ....

باوعتله سفانه بنضره ونزلت راسها : يلا كومي ...

طلعنه تلاثتنه . والجو هادئ بلسياره محد يحجي . نزلنه تلكتنه آمر بلباب ...

آمر : هلااااا حمد الله ع السلامه ... الثالثه تصيب ان شاء الله
..

صاحت عليها سفانه بعلو صوتها : وتالي وياج انتي شنو من بشررر متكليلي منين الله ذبج علينه ....

آمر : ايييي شدعوه كلجن صفيتن وي الفصليه .

اجه ابو يعرب يصيح : طبن جوه جاي تصيح بلكراج كدام الناس والجوارين تسمعكم . فضحتنه ....

سفانه : يابه شوف حل . يعني الله ميقبل بلظلم لو ترجعوها لأهلها لو اطلعها بغير مكان انت مخليها مدكه شنو ....

اني تركت الوضع وطبيت لغرفتي وصار البيت هوسه واحد يحاول يفترس الثاني

وجان من ضمن اقتراحهم اقتراح خالد : وديها للمزرعه شعندك هنا مخليها يمنه اني ما اطيقها حرام عليك تكلمني وتضلمها ما اريدهااااا ....

ابو يعرب وهو يصيح : شنو اوديها للمزرعه . انت مخبل مره تضل هناك وحدها ....

سفانه : يابه وديها لو رجعها لأهلها وخلي ابنك غركان بست آمر ...

بده خالد يجاوز على سفانه : انتي انجبي ولتدخلين وحد عندج ما غركانه باحمد حتى بزر ميصير عنده . وضاله مجلبه بي . لتجين وتصيرين غاندي براسي ...

سفانه تضايقت وضلت تبجي : انت عاجبتك سوالف ام السحوره ... عاجبتك مرتك امها كحبه ...

حاول يهجم عليها وابو يعرب بده يصيح ع الاثنين . وسكتهم بلصياح ...