حجر النرد 🔞

٤٣

حجر النرد .......

زينب علي .......

..............

بسعاد .... 
.....
كملت خياط المعلمه واني اخذت الثوب ورحتلها للبيت . سلمتها الثوب واني كلبي يفور اريد ارجع لبسته وباوعت لنفسها بالمراية....

يا والله عاشت ايدج ؟؟؟؟ هيج جبتي القالب فيت ...

ضحكت واني مستبشره خير : يا الله أن شاء الله عجبج...

اي ليش لا عجبني . عاشت ايدج ... لحظه انطيج الفلوس ...

مرت الايام وصارت المعلمه معميله عندي تحب الملابس وبلاخص ملابس النوم اسويلها الفيكات الي تعجبها والمغريه الها   وعرفت اسمها تبارك  والضابط عابدها عباده بس يجيها بلختله بدون ما مرته الأولى تدري . وعنده أطفال من زوجته الأولى بس منها لا وهي تتمنى تسوي طفل منه ...

جان أبالي يدور اسألها عن الفلم الهندي السولفلتي عنه ام حسين صدك لو جذب بس خفت خاف تعتبره تدخل مني وضليت ساكته ...

ضليت كاعده ٣ اشهر ون ما واحد يجي يسأل عني ولا حتى اعرف عنهم شي . والمعاميل الي شافتهم ام حسين زينين بس مو هواي طفار ناس بابه عرب ....

لحد ما مره من المرات خطيت ثوب كلش حلو وكلشي عجبها لتبارك

راحت تركض تنطيني الفلوس . واني اخذتهن طايره وبيني ما بين نفسي هاي الفلوس المهن لجهاز الطفل خاف اشتريله غراض ...

طول الطريق كاعده وافكر هم يعيش بلفكر  لازم افكر من هسه ابنيله مستقبله حتى يعيش بعيشه كريمه مو مثلي ...

رجعت بلطريق اسولف وي روحي وسمعت صوت ام حسين تصيح : هاااا وينج ام الوليد....

ضحكت على حجايتها : ها ام حسين ما سمعتج والله ...

ام حسين : صارلي ساعه انده عليج وانتي تسولفين وحدج مثل المخبله ....

بسعاد : هههه اي والله صدك مثل المخبله  . افكر بلطفل وبجهازه ...

ام حسين : يااااع جهازه ... شتردين تسويله المفلطح والمزلطح...

بسعاد : ميخالف حتلو شي قليل واني اعرف اخيط اخيطله شي بسيط . .

عافتني وراحت واني امشي وحدي واشوف من بعيد  مدرسه  . جتي أبالي فكره .
رحت مريت عليها وطبيت بوجهي للمديره : سلام عليكم ....

جاوبتني : وعليكم السلام  

بلا زحمه اني خياطه وهذا بيتي قريب ع المدرسه بذيج المزرعه اذا تحبون تخيطون عندي بيجن خير ودللن ...

تفاعلت وياي المديره وبدت تتعاطف وياي وصاحت المعلمات:  تعالو عيني . شوفن هاي الخياطه ....

وكلهن التمن وبدن يسألن  عن الأسعار والشغل . وبديت احاول اسولفلهن وارغبهن بشغلي وهنه يكللي مو تنام الحاجه يمج ...