على اعتباب باب المحكمه واكفه رجليه يرعشن واشوف ايامي بفلم يمشي كدامي دموعي سابقه رجليه بالف خطوه و مشاعري ترفض تدخل للقاعه قلق تعب سهر يومين عيوني ما ضايكه النوم وامي تمشي كوه تشيل رجلها السوفان اخذ مأخذه منها .....
واني كاعده وتلتقي عيونه بعيوني يغافلني ويسترق نضرات مني . عيوني بارز بيهن اللون الأحمر خلا يرتبك كدامي ضل كل شويه يلتفتلي يريد يتأكد مني عايشه ميته لو راح اموت .....
امي كاعده بصفي واسمع صوت تسبيحها وصوت الخرزه من توكع * سبحانك اني كنت من الظالمين سبحانك اني كنت من الظالمين * لزمت ايدي بقوه . على كيفج يوم حبيبتي على كيفج .... ربج موجود ميعوفج .....
دخل القاضي وصاحو باسمي : غزلان خالد ....
مشيت وبداه يسألني : موافقه على الطلاق .
رجف جسمي واني اتذكر ليله البارحه واني ستوني طالعه من الموت . لزمت بطني . تجويف فارغ . فارغ من حب بنيته بروحي وحصدت شوكت والم .....
ترسته عشق وغرام وسهر ليالي وما حصلت غير هووووه هووووه ... مال بيه الوكت وما لكيت ظهر انتجي عليه ....
كرر سؤاله القاضي: غزلان خالد . انتي موافقه ع الطلاق ...
صفنت عليه شجاوبه واني مدرسه الي راح اكوله: نزلت دمعتي ... اي سيدي موافقه ....
انحنيت وحسيت بكسره ظهر واني اكول يلا بعدددد بعددد ششوف بعدددد راويني يدنيا ....
التفتت لأمي حسيت روحي راح تغيب : يمه انطيني ماي ....
ما حسيت اله والكاع تفتر بيه . وكعت من الدوخه اخر شي شفته طفرته اليه ....
.
.
.
.
سلام عليكم .....
ارجو من الجميع الإنتباه .... نزلت هذا المشهد
مختصر للقادم . القادم حلو والقصه روعه وجميله بس حاليا وقفتها بسبب محرم وصفر .
اعتذر من الكل ما كدرت أبلغكم لان جان موبايلي مكسور حتى ما كدرت اتواصل وي الادمنيه ولهذا اعذرني كلش هواي .....
.
.
ان شاء الله وره محرم وصفر التزم بلنشر بحيل الله . لان حاليا شويه ضرفي الصحيه مجاي تساعدني....
وتحياتي للكل .....
.
.
.
انتبهتو اسم بطلتنه طلع لو لا بعد اسم البطل يجيكم بلقادم
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
