حجر النرد ........
زينب علي .....
.
.
.
ضليت هذا اليوم كله يم امي لا اكدر انام ولا اكدر ارجع لبيتي واني شايله أبهر على كلبي ....
يوم عفيه خل اخذج وياي....
ام يعرب : شعندي رايحه وياج وعايفه بيتي . حتى يكولون ماتت يم النسيب شنو هلحجي هذا ماما.....
يوم شدخله النسيب بلموضوع انتي تدرين بلوضع اني ما اكدر اخلي ابهر هنا خاف شو شيصير بي ولا اكدر اعوفج ... تعاي امشي وياي هم اونسج وتونسيني وتشوفين ابهر شلون يناغي هليام ....
رفضت اول مره لحد ما ضليت اتوسل بيها . بنهايه قبلت تجي وياي ...
اخذتها وطلعت بدون حتى محد يدري . ابويه ملتحق بدوامه وخالد ومرته فوك ....
اول ما رجع ابويه اخذ امي ويا وخالد ما كلف روحه يجي واكتفه بس باتصال : اكلج امي وين ؟؟؟
سفانه : امي يمي ....
خالد : هاهيه خوش ... وسد التلفون .....
اول ما طلعت امي وصتني . دير بالج على ابهر ....
يمه بعيني والله لتخافين عليه ....
.
.
مرت الايام والاشهر وامي تتقدم بلعمر والأمراض تزود وباخر شهر من حياتها جانت عدها لسته من الأمراض ومنها السكر والضغط وضمور بالكليه واجهاد بعضله القلب وتصلب الشرايين وأضافت اخر شي التدرن الي جان سبب بنهايه حياتها ....
حياة مليئه بالإنجازات والتضحية وحالها حال اي امراه عراقيه اصيله ضحت وخدمت وسهرت وتعبت ....
ارتحلت من هذه الدنيا وخلفت بقلبي شرخ لا يمكن علاجه بيوم من الايام ....
تركتني وحيده لا اخت ولا خاله ولا عمه ولا مرة اخ استند عليها واحجيلها أسراري....
تركتني بضياع تايهه وحدي اتحدى الصعاب واخوض تجارب بدون ما اسمع منها نصيحه .....
واخر نصيحه كالتها اليه صيري قويه ....
ما جنت اعرف معنى نصيحتها وشنو الي قادم وبلتالي اني عندي اب يسندني . لكن كووولشي تبخر بيوم الي كلي ابويه : يابه شوفيلي مره ....
رفعتله راسي : صدك تحجي يابه ؟؟؟؟
ابو يعرب : اي صدك احجي ... يعني اني منو يهتم بيه ...
سفانه : يابه كول غيرها بعده تراب امي ما نشف خل يعدي ع الاقل شهرين كدام العالم....
ابو يعرب : يابه انتي بلشي شوفيلي واني اتزوج وره السنه ....
كلماته جانت مثل الصاعقه على كلبي واني لسه تأثير وفاتها ميروح من بالي .
اضطريت اطلع من بيت اهلي واني حاقده على هذا البيت وكاره شكو شي بي . صحيح حقه حاليا اني اعذره بس بوقتها جان الجرح مفتوح وينزف دم وما جانت عندي قدره لاستيعاب طلبه نهائياااا ...
YOU ARE READING
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
