حجر النرد 🔞

٢٣

حجر النرد .....

زينب علي.......

...............

رزان ....
.......

اباوع بعيونه مثل شذره ابسط بحر من الدم . والبحر يغلي غليان وكاعد يباوعلي واني احاول انام بلصاله وكاعد على الكرسي مقابيلي ويهز برجله هزه سريعه واني مغمه عيوني وفاتحه جزء بسيط واباوعله .. الرؤيه مغوشه بس انفاسه تنذر بأقتراب اجل ... بأفتراس وليمه .... بتمزيق جسد ....

لحظات وكام على حيله وهو يضربني برجله رفسه ابطني : كوومي لج ....

فتحت عيوني من الالم . ااااخ يعرب . لزمت بطني والتويت : ااااااخ بطني ....

جاوبني بقهر وكانو راسه كلبي مقتلع من جوه : كومي لج لا امردج هسه والله ....

طفرتله واني اصيح : شتتريد ها فهمني  .. شتريد ؟؟؟؟

ثاره تصرفني وبسرعه ضربني راشدي : شريد يا ساقطه ... لج حيوانه وفوكاها بكوة عينج ....

رزان : مو عبالك بس انت خسرت ... لاااااا اذا انت هيج هامك قطعه قماش .... اني تنازلت هوووواي على حسابك . ديني وحياتي وناسي وعقيدتي ومعتقداتي وجحدت بكل شي على حسابك ..

افهمني يعرب افهمني .....

يعرب : شفهمج .... لو كايلتي قبل الزواج جان الوضع يختلف بس مو هسه سنتين ؟؟؟!!!!!سنتين مثل الي مسوي مسرحيه وطوووو الفلم يمثل وبلاخير اجه يعترف .... ليش بشنو قصرت وياج اني .... امو فد يوم ضميت عليج شي .....

تقربت عليه بعد ما شفته حول عن طريقه الهجوم : بس افهم الي ابالي.... اول شهر كلت نزوه وباجر يعوفني ... وثاني شهر هم كلت مراح يكمل ... وضليت متردده بين اكلك وبين لا ... بعدين خفت ... من حبيتك خفت ... خفت اكلك هلموضوع وتتركني ... كلبي تعلق بيك ... كلت راح يرفضون اهلك وتتركني ... جنت خايفه اكلك هلموضوع.  خاف لا تاخذه حجه حتى تعوفني . وانت وعدتني متتركني ولا تتخله عني بيوم من الايام حتلو وكفت عشيرتك بوجهك .. منتبهت اليه يعرب ... الرب صار الله ... والرب صارت وحق الله ... متنتبه على حجي شلون تغير وصرت مثلك .. الكل انتبه عليه . ليش انت رافض حبي الك ...

جرني من متوني وذبني للكاع . ورجع طب للغرفه ... صحت ورا : يعرب يعرررب

محجه اي شي ....

ضليت بس ابجي . منتظره يجي ويحاجيني . لحد ما صار الصبح ... كعدت تقريبا الساعه ب ٩ على ريحه البيض . كمت بسرعه لملت الغراض وفراشي . ورحت للمطبخ .

لكيته مهدر جاي . ومكلي بيضه بس اله . وجاي ياكل بيها ...

صبحت عليه : صباح الخير .....

مجاوب ...

صحت : صباااح الخير ....

يعرب : منين يجي الخير من وجهج هذا الي يجيب البلاوي لو من تصرفاتج السكط لو من حجيج الكايح حظه ...