حجر النرد 🔞

١٣

حجر النرد........

زينب علي........

.........

سفانه .....
......

رحت اني واحمد للدكتوره وهيه حولت احمد لدكتور اخصائي بلرجال بلعقم . . وهو كاعد بنص الزلم ويتأفأف هسه شنو كاعد بنص ذوله فضيحه عمي شافني واحد  ... الله لا ينطيج انتي وامي تنكن نكككك ... ما الله قسملي عائله مثل الاوادم ... انتي وامي ثنينجن تنغطن ...

ومنتظره الدور ويتركضم لحد ما صاحو ١٣ ... طب هو وحوله الدكتور وكتبله تحاليل كامله ...

طلع احمد وهو لازم ورقه التحليل : هاااج شوفي تعال النوب اسحبو وعبو ... خرب ..... اذا عدجن .....

حسيت احمد مستحي ولازمته حاله هستريه من المستحه ... الحجي الي حجا اول مره اسمعه يحجي هلحجي ....

.
وضلينه منتظرين نتائج التحليل نستلمهن ثاني يوم .
رجعنه اني ويا للبيت واستقبلته امه : هااا بشر ....

احمد : باجررر يزفولج الخبر .باجررررررر .. 

ثاني يوم  ضلينه منتظرين النتائج ورحنه جبناها   وطبينه للدكتور تباوع الدكتور للتحاليل  . باوع بوجه : نسبتك صفر . عندك عقم ...

احمد : شنوو ....

الدكتور : نسبتك ضعيغه كلش . واني افضلك تعالج عد دكتور ((فاضل الجنابي )) (( دكتور كان مشهور بامراض العقم للرجال  بسنه الثمانينات)) يعني اذا اكو امل  ... هو الدكتور مالتي اساسا ودكتور قديم  ...

طلع احمد وهو باهت والخوف باين على وجهه ... واني جنت كلششش مكسوره . والخوف الي جان عايشه احمد جنت عايشه اضعافه بكلبي  

طول الطريق هو ساكت واني كول الطريق ابجي . انقهرت كلشش عاطفتي ما سمحتلي اشوف الانسان الوحيد الي حبيته مكسور حتلو جان مأذيني ....

خل نكعد اني وياك هنا حباب . والله ما اكدر اوكف ع حيلي ....

ضحك : شبيج . انت النسبتج صفر لو اني . .

سفانه :  عاهدتك كبل وكتلك حبي الك فوك كل شي . كتلك الي يوجعك يوجعني . والي ياذيك ياذيني ... والسهر الي يخترق كلبك رتيه يخترق كلبي كبلك ... لسه متعرف معزتك عندي . لسه تجهل شنو سفانه ....

.

ضحك وباس راسي ومشينه . طلعنه بلطريق . واني افكر ... هسه المواضيع تغيرت سفانه ... هسه انتي صرت خيال وبيده رمح . اخذي القرار الي تشوفينه صح .....

وصلنه لبيت اهلي .   
احمد راح اروح يم اهلي   ...

احمد : هو اني اساسا موديج هناك ... اخذي القرار هناك يم اهلج واني موافق عليه . حتى اذا تردين تنفصلين اني معندي مانع ....

سفانه : هيج هينه تعوفني ...

احمد : لو طالع ما بيه الصوج جنت اني تزوجت اني احجيلج واقع .. واني ما اريد اضلمج وياي ... احتمال تزوجين غيري ويصير عندج اطفال .....